بازاڕی زاخۆ بۆ ماوەی 10 ڕۆژ دادەخرێت

ئاڤا نیوز

 
ئەمڕۆ شەممە 11- 1- 2025 بەهۆی نۆژەنکردنەوە و قیرتاوکردنی شەقامەکانی ناو بازاری زاخۆ، هاتووچۆکردن لە ناوی بازاڕی شارەکە بۆ ماوەی 10 ڕۆژ ڕادەگیرێت.

 

ڕاگەیێنراوی فەرمی: بەڕێوەبەرایەتی هاتووچۆی ئیدارەی زاخۆ ڕایگەیاند: "ئاگاداری شوفێران دەکەینەوە شەقامی سەرەکی ناوبازاری زاخۆ، هەر لە قوتابخانەی ئامادەیی زاخۆ تاوەکو فولکەی بارزان لەگەڵ بازاڕی دێری دادەخرێت".

 

زانیاریی زیاتر:  پێویستە پاس و هێڵەکانی گواستنەوەی ئیبراهیم خەلیل و گەڕەکەکانی بێدار و سێمالکا و شقاش هەموویان لە دەرەوەی بازاڕ بن، چونکە هاتووچۆ بەتەواوەتی دەوەستێت.

 

ئەوەی پێویستە بیزانیت: هاتووچۆی زاخۆ داوا لە هاووڵاتییان دەکات ئەگەر کارێکی فەرمیان نەبێت سەردانی بازار نەکەن، چونکە کاری تێدا دەکرێت.