یەکەم پەیامی دەمیرتاش لە دوای چاوپێکەوتنی لەگەڵ شاندی ئیمڕاڵی

ئاڤا نیوز

 

دوای سەردانەکەی شاندی ئیمڕاڵی، سەڵاحەددین دەمیرتاش، سەرۆکی پێشووی هەدەپە یەکەم پەیامی لەبارەی هەوڵەکان بۆ پرسی ئاشتیی دا، "بە تەواوی پشتیوانی خۆم بۆ هەوڵەکانی شاندی دەم پارتی و عەبدوڵڵا ئۆجەلان دەردەبڕم".

 

وێنە گەورەکە: ئەمڕۆ شاندی ئیمرالی کە لە ئەحمەد تورک، سری سورەیا ئۆندار و پەروین بوڵدان پێکهاتبوو، سەردانی سەڵاحەددین دەمیرتاش، سەرۆکی پێشووی هەدەپەیان لە ئەدێرنا کرد و ڕای دەمیرتاشیان لەسەر پێشنیازەکەی دەوڵەت باخچەلی، سەرۆکی مەهەپە لەبارەی "پرسی ئازادکردنی عەبدوڵڵا ئۆجەلان، ڕێبەری پارتی کرێکارانی کوردستان" وەرگرت.

 

ڕاگەیێنراوی فەرمی: دەمیرتاش لە سۆشیال میدیای خۆی ڕایگەیاند:

- "زۆر سوپاسی شاندی دەم پارتی دەکەم کە فیداکارییەکی گەورە نیشان دەدەن و هەوڵێکی جددی دەدەن بۆ گەیشتن بە چارەسەرێکی دیموکراسی.

 

- پشتیوانیی و متمانەی تەواوی خۆم بۆ عەبدوڵڵا ئۆجەلان دەردەبڕم بۆ ئەو هەوڵە جددییانەی کە دەیدات بۆ گەیشتن بە ئاشتی و چارەسەری دیموکراسییانە لە تورکیا".

 

- لەم قۆناغەدا گرنگترین خاڵ شەفافیەتە، داوا لە سەرجەم پارتە سیاسییەکانی بەشدار لەم پرۆسەیە دەکەم، شەفاف بن  و دوور بن لە زمانی تووندوتیژی.

- ئەگەر هیچ ناوێکیش لە پرۆسەکە نەنرابێت، بۆ ئێمە پرۆسەی  ئاشتیی و برایەتی و دیموکراسییە.

- سوپاسی دەوڵەت باخچەلی، سەرۆکی مەهەپە، ڕەجەب تەیب ئەردۆغان، سەرۆککۆماری تورکیا و ئۆزگور ئۆزێل، سەرۆکی جەهەپە دەکەم، بۆ پشتیوانی و هەنگاوە ئەرێنییەکانیان بۆ برایەتی و ئاشتی.

- لەم پرۆسەیەدا هەموومان براوە دەبین، ئاشتی و برایەتی و دیموکراسییەکی بەهێز بوونیاد دەنێین.