ئاڤا بەدواداچوون بۆ کێشەی مووچەی فەوجێکی پێشمەرگە دەکات

ئاڤا نیوز

ژمارەیەک پێشمەرگە هاوکاری هاوپەیمانانییان بۆ مانگی 12 وەرنەگرتووە، بەپێی بەدواداچوونی ئاڤا میدیا، وەزارەتی پێشمەرگە دەڵێت، پارەکەیان نافەوتێت و هەمووی پێکەوە وەردەگرن.

 

وێنە گەورەکە: 380 پێشمەرگەی فەوجی یەکی لیوای شانزدەی پیادەی وەزارەتی پێشمەرگە مانگی 12 هاوکاری هاوپەیمانانیان وەرنەگرتووە، داوایان کردبوو بە دواداچوون بکەین.

 

لێدوانی فەرمی: سەرچاوەیەكی باڵا لە  وەزارەتی پێشمەرگە بە ئاڤا میدیای ڕاگەیاند:

 

- هەر فەرماندەیەكی فەوج لە هەر یەكێك لە لیواكان بگۆڕدرێت یان ئاڵوگۆڕی پێبكرێت، ئەو لیوایانە بن كە مانگانە هاوپەیمانان هاوكارییان پێشكەش دەكات، پێویستە فەرماندە نوێیەكەی فەوجەكە سەر لە نوێ چێكی ئەمنی بكاتەوە، واتا جارێكی دیكە هاوپەیمانان بانگی دەكەن و مقابەلەی دەكەنەوە و چەندین زانیاریی لێوەردەگرن و لێكۆڵینەوەی لەبارەیەوە دەكەن.

- ئەو فەوجەشی كە بۆ ئەم مانگە هاوكارییەكەی وەرنەگرتووە، دڵنیایان دەكەینەوە كە پارەكەیان نافەوتێت بەڵكو هەر كاتێك فەرماندەكە ئۆكەی هاوپەیمانانی وەگرت ئەوا چەند مانگ هاوكارییەكە دواكەوتبێت یان نەدرابێت ئەوا قەرەبوو دەكرێنەوە و هەموویان بەیەكەوە پێدەدرێت.