هەسەدە لەبارەی بەنداوی تشرین هۆشداریی دەدات: خەریکە هەرەس دەهێنێت

ئاڤا نیوز

 

هەسەدە هۆشداری لە ئەگەری ڕوودانی هەر دۆخێکی نەخوازراو یان هەرەسهێنانى بەنداوی تشرین دەدات، بەهۆى بۆردوومانەکانى تورکیا و گرووپە چەکدارەکانی نزیک لەو وڵاتە.

 

وێنە گەورەکە: ئەمڕۆ یەکشەممە 12-1-2025، هێزەکانی سووریای دیموکرات (هەسەدە) ڕاگەیێنراوێکی سەبارەت بە خراپی دۆخی بەنداوی تشرین بڵاوکردەوە و هۆشداری دا لەتەقینەوەی بەنداوەکە بەهۆی هێرشی تورکیا و گرووپە چەکدارەکان.

 

ڕاگەیێندراوی فەرمی: هێزەکانی سووریای دیموکرات (هەسەدە) دەڵێت: 

- بۆردوومانی بەردەوامی فڕۆکە جەنگییەکانی تورکیا و گرووپە چەکدارەکانی نزیک لەو وڵاتە، زیانی زۆریان بە بەنداوی تشرین گەیاندووە، هێرشەکان مەترسی جددییان لەسەر هەرەسهێنانى بەنداوەکە دروستکردووە.

 

- لەگەڵ هێرشە بەردەوامەکانی گرووپە چەکدارەکان، تورکیاش بە چڕی بۆردوومانی ژمارەیەک گوندی سنووری کۆبانێ دەکات کە شوێنێ نیشەجێبوونی هاووڵاتیانی مەدەنین.

 

لەلایەکی دیکەوە: رێکخراوی مافی مرۆڤی عەفرین-شەهبا، ڕاپۆرتێکی لەسەر پێشێلکارییەکانی تورکیا و گروپە چەکدارەکان لەدژی ناوچەکانی ئیدارەی خۆبەڕێوەبەری ڕۆژئاوای کوردستان بڵاوکردەوە و بەگوێرەی ئامارەکان، لە مانگی 11ـی ساڵی رابردوو تا هەشتی مانگی 1ـی 2025، بەهۆی هێرش و پێکدادانەکانەوە زیاتر لە 90 هاووڵاتی کوژراون کە ژن و منداڵیشی تێدایە.