گەورەترین کارگەی بەرهەمهێنانی زینک لە هەرێمی کوردستان دەکرێتەوە

ئاڤا نیوز

گەورەترین کارگەی بەرهەمهێنانی زینک لەسەر ئاستی عێراق و ڕۆژهەڵاتی ناوەڕاست، لە هەرێمی کوردستان دەکرێتەوە.

چیرۆکی سەرەکی: کـۆمپانیای ئەربیل زیـنک ئۆکسـید کۆمپانـیایەکی تایـبەت بە بەرھەمھـێنانی ماددەی زینکە، لە تۆز و دوکەڵی پاشماوەکانی کارگەکانی بەرھەمھـێنانـی ئـاسـن و شـیـش کـە دەمـێـنـێـتـەوە دروسـتـدەکـرێـت.

لێدوانی فەرمی: بەرگەشت ئاکرەیی، وتەبێژی دەستەی وەبەرهێنانی حکومەتی هەرێمی کوردستان، بە ئاڤا میدیای ڕاگەیاند: گەورەترین کارگەی بەرهەمهێنانی زینک لە داهاتوویەکی نزیکدا لە هەولێر دەکرێتەوە.

زانیاری بەدەستهاتوو: هەرچەندە کارگەکە بە فەرمی نەکراوەتەوە، بەڵام بەرهەمەکانی لە وڵاتانی تورکیا، ھـۆڵەندا و چەند وڵاتـێکی دیکەی ئەورووپا خـواسـتی لەسەرە.

ئەوەی پێویستە بیزانیت: کارگەکە توانای بەرهەمهێنانی 12 تۆن زینکی لە ساڵێکدا هەیە، هەروەها دەرفەتی کاری زۆر دەڕەخسێنێت.

بۆچی گرنگە: کردنەوەی ئەم جۆرە کارگانە ژمارەیەکی زۆر هەلی کار دەڕەخسێنێت، ئەمە جگە لە گەڕانەوەی ئەو داهاتەی کە پێشتر بۆ کڕینی زینک خەرج دەکرا.

ئەمەش بزانە: زینک ئاوێتەیەکی سپییە لە هەندێک بەرهەمی لاستیک، شووشە و سیرامیکدا هەیە لە پیشەسازی کیمیاییدا بەکاردەهێنرێت و لە بواری پزیشکیشدا بۆ چارەسەری چەندین نەخۆشی بەکاردێت.