مەزڵووم عەبدی: پێویستە لێپرسینەوە لە ئەنجامدەرانی كومەڵکوژییەکان بكرێت

 

ئاڤا نیوز

مەزڵوم عەبدی داوا لە ئەحمەد شەرع دەكات، لێپرسینەوە لەگەڵ ئەنجامدەرانی کومەڵکوژییەکانی سێ ڕۆژی ڕابردووی ناوچە جیاجیاكانی كەناری ڕۆژئاوای سووریا بكات.

وێنە گەورەكە: لە سێ ڕۆژی ڕابردوودا، شەڕ و پێكدادان لەنێوان پاشماوەی هێزەكانی ڕژێمی پێشووی سووریا و هێزە ئەمنییەكانی سووریای نوێ لە كەناراوەكانی لازقیە و تەرتووس لە كەناراوەكانی ڕۆژئاوای سووریا سەریهەڵدا كە بە "توندوتیژترین" شەڕ دادەنرێت لە دوای ڕووخانی ڕژێمی بەشار ئەسەدەوە، ڕوانگەی سووری بۆ مافەكانی مرۆڤیش دەڵێت، سەرووی هەزار چەكدار كوژراون.

لێدوانی فەرمی: لە لێدوانێكی بۆ ئاژانسی هەواڵی ڕۆیتەرز، ژەنەڕاڵ مەزڵوم عەبدی، فەرماندەی هێزەكانی سووریای دیموكرات، هەسەدە ڕایگەیاند، داوا لە ئەحمەد شەرع، سەرۆكی حكومەتی ڕاگوزەری سووریا دەكەم، لێپرسینەوە لەگەڵ ئەنجامدەرانی كوشتارگەكانی سووریا بكات.