ئەمڕۆ مووچەی مانگی دوو دابەش دەکرێت

 

ئاڤا نیوز

سەرەڕای بڵاوکردنەوەی لیستی مووچەی مانگی دوو، هەندێک وەزارەت کە مووچەکانیان خراوەتە سەر 'هەژماری من' مووچەکانیان پێش دەخرێت.

 

چیرۆکی سەرەکی: دوێنێ چوارشەممە، وەزارەتی دارایی عێراق بڕی 957 ملیار و 925 ملیۆن و 880 هەزار و 78 دیناری، وەک تەمویلی مووچەی مانگی شوبات خستە سەر هەژماری وەزارەتی دارایی و ئابووری حکومەتی هەرێمی کوردستان.

زانیاری تایبەت: بەگوێرەی ئەو لیستەی وەزارەتی دارایی و ئابووری بڵاویکردووەتەوە، ئەمڕۆ دەست بە دابەشکردنی مووچە لە خانەنشینانی شارستانی، خاوەن پێداویستی تایبەت، زیندانیانی سیاسیی، بەرکەوتەی کیمیاباران دەستپێدەکات.

زانیاری بەدەستهاتوو: تیمی هەژماری من ڕایگەیاند، كە فەرمانبەرانی هەرسێ وەزارەتی خوێندنی باڵا، پەروەردە، تەندروستی ئەوانەی كە لە ڕێگەی هەژماری منەوە تۆماركراون، ئەمڕۆ پێنجشەممە دەتوانن لەڕێگەی ئەی تی ئێمەكانەوە مووچەكانیان وەربگرن.

ئەوەی پێویستە بیزانیت: وەزارەتی دارایی و ئابووری هەوڵەکانی چڕکردووەتەوە، بۆ ئەوەی لە هەفتەی داهاتوودا لیستی مووچەی مانگی سێ ڕەوانەی وەزارەتی دارایی حکومەتی فیدراڵ بکات.