ئاڤا ڕەمەزانێکی ملیار بینەری تێپەڕ کرد

ئاڤا نیوز

 

ئاڤا میدیا بە کۆمەڵێک بەرنامە و بڕگەی تایبەت، مانگی ڕەمەزانی بە یەک ملیار و نیوی بینەر لە پلاتفۆڕمە جیاوازەکانی سوشیاڵ میدیا تێپەڕ کرد و هەزاران خێزانی لە هەرچوار پارچەی کوردستان لە دەوری یەک شاشە کۆکردەوە. 

 

وێنە گەورەکە: دامەزراوەیەکی میدیای ئاڤا لەسەرەتای دروستبوونییەوە دروشمی " نەکراو و نەبینراوە"ی هەڵگرتووە کە ئامانجی سەرەکی پاراستنی شیرازەی خێزان و کۆمەڵگەی کوردییە، هەر لەو چوارچێوەیەشدا لەسەرەتای مانگی ڕەمەزانی پیرۆزەوە، کۆمەڵێک بەرنامە و پڕۆگرام و درامای بە بەرزترین کوالێتی و بەڕەچاوکردنی پاراستنی کولتووری کۆمەڵایەتی پێشکەش کرد و خێزانەکانی لە دەوری یەک شاشە کۆکردەوە؛ یەکێک لە بەرنامە تایبەتەکانیشی "بەربانگی ئاڤا"بوو کە بەدرێژای تەواوی مانگەکە کۆمەڵێک بابەت و پرسی تایبەتی تێدابوو بۆ بینەرانی. 

 

زانیاریی زیاتر: ئاڤا لە پلاتفۆڕمە جیاوازەکانی سۆشیاڵ میدیاش لەماوەی مانگی ڕەمەزاندا یەک ملیار و نیو بینەری هەبوو، بڕگە و ڤیدیۆ تایبەتەکانیشی ملیۆنان بینەری هەبوو، ئەمەش دەستکەوتێکی گەورەیە بۆ میدیای کوردی کە دامەزراوەیەک بە تەمەنێكی زۆر کەمەوە بووەتە سەرچاوەی سەرەکی و یەکەمی هاونیشتمانیانی هەرچوار پارچەی کوردستان.

 

لەلایەکی دیکەوە: ئاڤا هەر لەو مانگەدا کۆمەڵێک بەرنامەی تایبەتی پێشکەشکرد کە پێکهاتوون لە '' خۆری ئاڤا، پرسیاری ئاڤا، سەلام سەلامی، لە مامۆستا بپرسە، دڵشاد کردن، ئەلوو پەری، فانۆس، یاری و دیاری، دەستەگوڵ، ڕەسووکە میوانە، سێ نامە؛ هاوکات درامایەکی تایبەتیشی پەخشکرد بەناوی "بەرەو بەرزاییەکان"، کە درامایەکی کوردی بوو و هەزاران بینەری لە دەوری خۆی کۆکردەوە.

 

ئەمەش بزانە: ئاڤا بۆ هەرسێ ڕۆژی جەژنیش بەرنامەیەکی تایبەت لەسەر قەڵای هەولێر بۆ بینەرانی ئامادە دەکات کە لەلایەن شانۆ بەکر فەرەج، پێشکەشکاری ئاڤا و هونەرمەند حەسەن غەفور، پێشکەش دەکرێت، هاوکات بۆ هەر ڕۆژێک دوو هونەرمەندی دیاری کوردستان میوانی بەرنامەکە دەبن؛ لە ڕۆژی یەکەمدا هونەرمەندان شیروان عەبدوڵڵا و خالید ڕامبۆ، کۆمەڵێک گۆرانی و بەندی تایبەتیان بۆ بینەران و گوێگران گووتەوە.