زیاتر لە 50 بەندکراو لە هەرێمی کوردستان لە جەژن مۆڵەتییان پێدراوە

ئاڤا نیوز

بەبۆنەی جەژنی ڕەمەزانی پیرۆزەوە ژمارەیەک بەندکراو لە چاکسازییەکانی هەرێمی کوردستان مۆڵەتیان پێدراوە ڕۆژانی پشووی جەژن لەگەڵ خانەوادە و کەس و کارییان لە ماڵەوە بەسەر ببەن.

لێدوانی فەرمی: ئیحسان بابان، بەڕێوەبەری گشتیی چاکسازیەکانی هەرێمی کوردستان، بە ئاڤا میدیای ڕاگەیاند، بەبۆنەی جەژنی ڕەمەزانەوە 52 بەندکراو لە چاکسازییەکانی هەرێمی کوردستان مۆڵەتییان پێدراوە کە ڕۆژانی چەژن و چەند ڕۆژێکی دیکە لەگەڵ خێزانەکانیان بەسەر ببەن.

- ئەو بەندکراوانەی مۆڵەتییان پێدراوە لەگەڵ خێزانەکانیان بەشداری جەژنی ڕەمەزان بکەن، لەسەر پارێزگاکان بەم شێوەیە دابەشبوونە:

- هەولێر 24 بەندکراو.

- سلێمانی 17 بەندکراو.

- دهۆک 11 بەندکراو.

ئەوەی پێویستە بیزانیت: ئەو بەندکراوانەی مۆڵەتییان پێدراوە، سزای قورسیان بەسەر سەپێندراوە، بەو مەرجە مۆڵەتییان پێدەدرێت کە زیاتر لە سێ لەسەر چواری ماوەی سزاکانیان تێپەڕاند بێت، پێویستە بەندکراو لە کاتی وەرگرتنی مۆڵەت و چوونە ماڵەوە کەفیلی کەسی و ماددییان هەبێت، هاوکات لەو ماوەیەی مۆڵەتن ڕۆژانە لە نزیکترین بنکەی پۆلیسی ماڵەکەیدا پەنجەمۆر بکات، تەنیا سزادراوانی کوشتن و تیرۆر ناتوانن ئەو مۆڵەتە وەربگرن.