پەیامێکی نوێی ئۆجەلان بڵاوکرایەوە

ئاڤا نیوز

ئێوارەی ئەمڕۆ دووشەممە، عومەر ئۆجەلان برازای عەبدوڵڵا ئۆجەلان، لەگەڵ چەند کەسێکی دیکەی خانەوادەکەی بەبۆنەی جەژنی ڕەمەزان سەردانی ئیمرالیان کردووە و پەیامێکی ئۆجەلانیان بڵاوکردەوە.

لێدوانی فەرمی: عومەر ئۆجەلان لە هەژماری خۆی لە تۆڕی ئێکس ڕایگەیاند: ئەمڕۆ یەکشەممە بەبۆنەی جەژنی ڕەمەزان سەردانی ئیمرالیمان کردووە. عەبدوڵڵا ئۆجەلان ڕێبەری زیندانیکراوی پەکەکە لە زیندان پەیامێکی بۆ گەلی کورد هەبووە و ئەمە دەقەکەیەتی، "گەلی ئێمە لە نەورۆزدا بە جۆشەوە خاوەنداریێتی لە بانگەوازی کۆمەڵگەی دیموکراتیک و ئاشتی کرد، سڵاوتان لێ دەکەم و جارێکی دیکە جەژنی نەورۆز و ڕەمەزان لە گەلەکەمان پیرۆز دەکەم".

- عومەر ئۆجەلان لەو پەیامەی بڵاویکردووەتەوە دەڵێت: ئێمە وەک ماڵبات ئەمڕۆ 31ـی ئادار بەبۆنەی جەژنی ڕەمەزان سەردانی بەڕێز عەبدوڵڵا ئۆجەلانمان لە گرتووخانەی ئیمرالی کرد، لەوێ چاومانکەوت بە عەبدوڵڵا ئۆجەلان، حامیلی یەڵدرم، وەیسی ئەکتاش و عومەر خەیری کۆنار. 

ئەوەی پێویستە بیزانیت: محەممەد ئۆجەلان برای عەبدوڵڵا ئۆجەلان و عومەر ئۆجەلان برازای ئۆجەلان لە ماڵباتی ئۆجەلان سەردانی ئیمرالییان کردووە.

باکگراوند: ڕۆژی 27ـی شوباتی ئەمساڵ شاندی ئیمرالی پەیامێکی عەبدوڵڵا ئۆجەلانیان خوێندەوە کە تیایدا داوا دەکات پەکەکە خۆی هەڵوەشێنێتەوە و چەک دابنێت.