مەسرور بارزانی: هاوسۆزی و هاوخەمی خۆمان بۆ خەڵکی ئێران دەردەبڕین

ئاڤا نیوز

 

سەرۆکوەزیران مەسرور بارزانی پەیامێکی هاوخەمی لەسەر تەقینەوەکەی بەندەر عەباس ئاڕاستەی سەرۆککۆماری ئێران و کەسوکاری قوربانیان دەکات.

 

چیرۆکی سەرەکی: دوینی شەممە 26-4-22025، تەقینەوەیەک لە بەندەری ڕەجائی لە بەندەر عەباسی ئێران ڕوویدا، بەهۆیەوە 25 کەس گیانیان لەدەستدا و نزیکەی هەزار کەسیش بریندار بوون، لێکۆڵینەوە لە ڕووداوەکە دەستیپێکردووە و هۆکاری تەقینەوەکەش ئاشکرا نەکراوە.

 

پەیامی فەرمی: حکومەتی هەرێمی کوردستان پەیامی سەرۆکوزیران مەسرور بارزانی بڵاوکردەوە و تێیدا هاتووە: پرسە و سەرەخۆشی ئاrاستەی سەرۆکی کۆماری ئیسلامیی ئێران د.مەسعود پزیشکیان، کەسوکار و قوربانیانی تەقینەوەی بەندەر عەبباس دەکەین، هیوای چاکبوونەوەی خێراش بۆ بریندارەکان دەخوازین. 
-خوای مەزن گیانی خوالێخۆشبووان بە بەهەشت شاد بکات و ئارامی و دڵنەواییش بە کەسوکاریان ببەخشێت.

-لەم ڕووداوە نەخوازراوەدا، هاوسۆزی و هاوخەمی خۆمان لەگەڵ خەڵکی کۆماری ئیسلامیی ئێران دەردەبڕین.

ئەوەی پێویستە بیزانیت: ئێران داوای لە هاووڵاتیان کردووە بۆ دووربوون لە ماددە زیانبەخشەکانی دوای تەقینەوەکە، دەمامک بەکاربهێنن و دووربکەنەوە لە شوێنی ڕووداوەکە.

لەلایەکی دیکەوە: محەممەد باقر قالیباف، سەرۆکی پەرلەمانی ئێران سێ ڕۆژ ماتەمینی بۆ ڕووداوەکە ڕاگەیاند، لیژنەکەیەک بۆ لێکۆڵینەوەی ورد لەسەر ڕووداوەکە پێکهێنراوە.