وتەبێژی وەزارەتی دەرەوەی ئەمریکا: ترەمپ بەرژەوەندییەکانی ئەمریکا دەخاتە پێش بەرژەوەندییەکانی ئیسرائیل

ئاڤا نیوز

 

نێردەی تایبەتی سەرۆکی ئەمریکا بۆ ڕۆژهەڵاتی ناوەڕاست ڕایگەیاند، بۆ ئەوەی کەرتی غەززە بگاتە چارەسەرێکی درێژخایەن، مەرجە چەکداماڵینی تەواوەتی بزووتنەوەی حەماس لەخۆ بگرێت.

 

وێنە گەورەکە: لە کاتێکدا هەوڵە نێودەوڵەتییەکان بەردەوامن بۆ کۆتاییهێنان بە شەڕی غەززە و گەیاندنی یارمەتییە مرۆییەکان بۆ ناو ئەو کەرتە، نێردەی ترەمپ چەکدانانی بزووتنەوەی حەماس بە مەرجێکی سەرەکی بۆ کۆتاییهێنان بە شەڕی غەززە چارەسەری گشتگیر دادەنێت.

 

لێدوانی فەرمی: ستیڤ ویتکۆف، نێردەی تایبەتیی سەرۆکی ئەمریکا بۆ ڕۆژهەڵاتی ناوەڕاست بە ڕۆژنامەی زە ئەتڵەنتیکی ڕاگەیاند، بەردەوامبوونی چەکداریی بزووتنەوەی حەماس قبوڵنەکراوە. ئەو گوتیشی چەکداماڵینی حەماس وەک بەشێکی سەرەکی لە هەر ڕێککەوتنێکی ئاشتیی دەبێت.

 

لەلایەکی دیکەوە: سەبارەت بە دۆخی کەرتی غەززە  لە نێوان ئیسرائیل و حەماس، ڕۆژی چوارشەممە وتەبێژی وەزارەتی دەرەوەی ئەمریکا ڕایگەیاند: دۆناڵد ترەمپ، سەرۆکی ئەمریکا بەرژەوەندییەکانی ئەمریکا دەخاتە پێش بەرژەوەندییەکانی ئیسرائیل یان هەر وڵاتێکی دیکەوە، بەڵام دەیەوێت بە خێرایی کۆتایی بە شەڕی غەززە بهێنرێت.