ناوەڕۆکی کۆبوونەوەکەی نێچیرڤان بارزانی و مەزڵووم عەبدی لە هەولێر

ئاڤا نیوز

سەرۆکی هەرێمی کوردستان پێشوازی فەرماندەی گشتیی هێزەکانی سووریای دیموکرات کرد و تاوتوێی دوایین پێشهاتەکانی ڕۆژئاوای کوردستان و گفتوگۆکانی نێوان دیمەشق و هەسەدەیان کرد. 

چیرۆکی سەرەکی: پاشنيوه‌ڕۆى ئه‌مڕۆ پێنجشه‌ممه‌ 2026/1/22 نێچيرڤان بارزانى، سه‌رۆكى هه‌رێمى كوردستان، پێشوازيى له‌ مه‌زڵووم عه‌بدى، فه‌رمانده‌ى هێزه‌کانی سووریای دیموکرات (هەسەدە) و شاندێكى ياوه‌رى كرد.

ڕاگیێنراوی فەرمی: له‌ كۆبوونه‌وه‌یه‌کدا دوايين پێشهاته‌كانى دۆخى سووريا تاوتوێ كران، و نێچيرڤان بارزانى جەختی لە به‌رده‌واميى هه‌وڵ و په‌يوه‌ندييه‌كانى له‌گه‌ڵ هه‌موو لايه‌نه‌ په‌يوه‌نديداره‌كان بۆ به‌رده‌وامیی ئاگربه‌ست و ڕاگرتنى گرژييه‌كان و ده‌ستپێکردنه‌وه‌ی ده‌ستبه‌جێی گفتوگۆ له‌نێوان هه‌سه‌ده‌ و دیمه‌شقدا کرده‌وه‌. هه‌روه‌ها گرنگيى دابینکردن و پاراستنى مافه‌كانى كورد و ته‌واوى پێكهاته‌كانى له‌ سووريایه‌کی یه‌کگرتوودا دووپات كرده‌وه‌.

زانیاریی زیاتر: لە کۆبوونەوەکەدا مه‌زڵووم عه‌بدى، وێڕای خستنه‌ڕووی دوایین پێشهاته‌کانی دۆخه‌که‌، سوپاس و پێزانينى بۆ ڕۆڵ و پشتگيريى هه‌رێمی کوردستان و هه‌وڵه‌كانیان بۆ هێوركردنه‌وه‌ى دۆخه‌كه‌ و چاره‌سه‌ركردنى كێشه‌كان ده‌ربڕى، هه‌روه‌ها جه‌ختی له‌سه‌ر ئاماده‌یی و خواستیان بۆ چاره‌سه‌رکردنی ئاشتییانه‌ی کێشه‌کان له‌سه‌ر بنه‌مای دابینکردنی مافه‌کانی گه‌لی کورد له‌ سووريایه‌كى يه‌كگرتوودا دووپات کرده‌وه‌.

ئەمەش بزانە: مه‌ترسی و هه‌ڕه‌شه‌کانی سه‌رهه‌ڵدانه‌وه‌ی داعش و کاریگه‌رییان به‌سه‌ر ئاسایش و سه‌قامگیریی سووریا و ناوچه‌که‌ به‌گشتی، ته‌وه‌رێكى ديكه‌ى كۆبوونه‌وه‌كه‌ بوو.