ئەردۆغان و زێلێنسکی کۆبوونەوە

ئاڤا نیوز

 

ڤۆلۆدیمێر زێلێنسکی، سەرۆکی ئۆکراینا بۆ بەشداریکردن لە دانوستاندنەکان لەگەڵ شاندی ڕووسیا گەیشتە ئەنقەرە. پێش کۆبوونەوەکەشی لەگەڵ شاندەکەی مۆسکۆ، زێلێنسکی لەگەڵ سەرۆکی تورکیا کۆبووەوە.

 

وێنە گەورەکە: ڕۆژی پێنجشەممە، 15-5-2025، کۆبوونەوەی ڤۆلۆدیمێر زێلێنسکی، سەرۆکی ئۆکراینا و ڕەجەب تەیب ئەردۆغان، سەرۆککۆماری تورکیا لە ئەنقەرە لەبارەی هەوڵە دیپلۆماسییەکان بۆ ڕاگرتی جەنگی سێ ساڵەی ئۆکراینا و ڕووسیا و تاوتوێکردنی دوایین پێشهاتەکانی پەیوەست بەو جەنگە کۆبوونەوە.

 

لێدوانی فەرمی: ڤۆلۆدیمێر زێلێنسکی، پێش کۆبوونەوەکەی لەگەڵ ئەردۆغان ڕایگەیاند: سوپاسی ڕەجەب تەیب ئەردۆغان، سەرۆککۆماری تورکیا دەکەم بۆ ڕێکخستنی دانوستاندنەکانی نێوان ڕووسیا و ئۆکراینا". گوتیشی، دانوستاندنەکانمان بە دیدار لەگەڵ ئەردۆغان دەستپێدەکەین.

 

لەلایەکی دیکەوە:  لەبارەی بەشداریی ڤلادیمێر پووتین، سەرۆکی ڕووسیا لە دیدار و گفتوگۆکان لەگەڵ ئۆکراینا، وتەبێژی کرێملن ڕایگەیاند: هیچ ئامادەکارییەک بۆ هاتنی پووتین بۆ تورکیا نییە و بەشداریی دانوستاندنەکان ناکات. هاوکات گوتیشی، شاندەکەمان چاوەڕێی شاندی ئۆکراینا دەکات و تا ئێستا دڵنیانین ئایا بەشداریی دانوستاندنەکان دەکەن یاخو نا.