وەزارەتی ناوخۆ لە خنکانی دوو کارمەندی بەرگریی شارستانی دەکۆلێتەوە

ئاڤا نیوز

لەسەر فەرمانی وەزیری ناوخۆ لیژنەیەکی لێکۆڵینەوە لە خنکانی دوو کارمەندی بەرگریی شارستانیی هەولێر پێکهێنرا.

چیرۆکی سەرەکی: بەرەبەیانی ئەمڕۆ لە پاڵاوگەیەکی سنووری ناحیەی شەمامک لە هەولێر دوای ئەوەی کرێکارێک لەنێو تانکییەکی سووتەمەنی دەخنکێت، دوو کارمەندی تیمی ڕزگارکردن لە بەرگری شارستانی هەولێر هەوڵی دەرهێنانی تەرمەکە دەدەن ئەوانیش لە هەمان تانکی دەخنکێن.

لێدوانی فەرمی: سەرکەوت کاڕەش، گوتەبێژی بەڕێوەبەرایەتیی گشتیی بەرگریی شارستانیی هەرێمی کوردستان گوتی: لەسەر فەرمانی وەزیری ناوخۆ لیژنەیەک پێکهێنراوە بۆ لێکۆلینەوە لە ڕووداوی خنکانی دوو کارمەندی بەرگری شارستانی هەولێر.

زانیاریی زیاتر: دوو کارمەندەکەی بەرگری شارستانی سەر بە تیمی ڕزگارکردن بوون بە ناوەکانی ڕێپێدراوی پۆلیسی پلە/8 یوسف شەریف حەسەن، پۆلیسی پیادە پلە/4، سەباح سەلیم.