ژمارەی ئەو چەکدارانەی داعش ئاشکرا کرا کە لە سووریاوە بۆ عێراق گواستنراونەتەوە

ئاڤا نیوز

میدیاکانی عێراق لە زاری سەرچاوە ئەمنییەکانەوە دەڵێن، تا ئێستا دوو هەزار و 250 زیندانی داعش لە سووریاوە گەیشتوونەتە عێراق.

چیرۆکی سەرەکی: ئەم پرۆسەیە لە چوارچێوەی گواستنەوەی زیندانییەکانی داعش لە سوریاوە بۆ عێراقە و گواستنەکەش بە هاوکاریی هاوپەیمانیی نێودەوڵەتی ئەنجام دەدرێت.

زانیاریی بەدەستهاتوو: بەگوێرەی ئەو سەرچاوە ئەمنییانە: "ئەو گرووپانەی گەیشتوونەتە زیندانییەکانی عێراق، خەڵکی وڵاتانی جیاوازن لەوانە: سوری و عێراقی و وڵاتانی ئەوروپیش لەناو گرووپەکان هەیە".

- وتیشی: " گواستنەوەکە بە ڕێوشوێنی ئەمنیی تووند ئەنجامدراوە، لە ڕێگەی وشکانی و ئاسمانیی، بە هەماهەنگی لەگەڵ لایەنە پەیوەندیدارەکان و بە هاوکاریی هاوپەیمانیی نێودەوڵەتی".

وێنە گەورەکە: گواستنەوەی زیندانییەکانی داعش لە سووریاوە بۆ عێراق لە چوارچێوەی ڕێکخستنە ئەمنییەکان دێت، چونکە ترس لە هەڵهاتن یان هێرشکردنە سەر ناوەندەکانی دەستبەسەرکردنی زیندانە داعشەکان لە سووریا هەیە. ئەمەش بووەتە هۆی خێراکردنی ڕێکارەکانی گواستنەوە و ڕێکخستنەوەی شوێنەکانی دەستبەسەرکردن لە ناوخۆی عێراق بە پێی ستانداردە ئەمنییەکان.