بەشێک لە دەرچووانی پزیشکی گشتیی هەرێمی کوردستان دادەمەزرێنرێن

ئاڤا نیوز

 

وەزارەتی تەندروستیی فیدڕاڵ دەرگای پێشکەشکردنی داواکاری دامەزراندنی بۆ دەرچووانی کۆلێژی پزیشکی گشتیی بۆ ساڵی ( 2023-2024 ) کردەوە، دامەزراندنەکە ئەو دەرچووانەی بەشی پزیشکیی هەرێمی کوردستانیش دەگرێتەوە کە خەڵکی ناوچە کوردستانییەکانی دەرەوەی ئیدارەی هەرێمی کوردستانن.

 

وێنە گەورەکە: دەرچوانی کۆلێژی پزیشکی گشتیی بۆ ساڵی ( 2023-2024 ) لە عێراق نزیکەی چوار هەزار کەسن، لەو ساڵەدا لە هەرێمی کوردستانیش 778 کەس کۆلێژی پزیشکیان تەواوکردووە، بەڵام بەگوێرەی بڕیارەکە هەموو ئەم دەرچووانە ناتوانن داواکاریی پێشکەش بکەن و مەرجە خەڵکی ناوچە کێشەلەسەرەکان بن.

 

لێدوانی فەرمی: شێروان دووبەردانی، ئەندامی پەرلەمانی عێراق بە ئاڤا میدیای ڕاگەیاند، ئەو دەرچووانەی کۆلێژەکانی پزیشکی گشتیی هەرێمی کوردستان کە دانیشتووی ناوچە کوردستانییەکانی دەرەوەی ئیدارەی هەرێمی کوردستانن، دەتوانن داواکاریی پێشکەش بکەن و دامەزراندنەکە ئەوانیش دەگرێتەوە. 

 

ڕاگەیێنراوی فەرمی: وەزارەتی تەندروستی عێراق ئەمڕۆ دووشەممە لە ڕاگەیێنراوێکدا باسی لەوەکردووە، ئەو دەرچووانەی کۆلێژی پزیشکی گشتیی بۆ ساڵی ( 2023-2024 ) کە خواستی دامەزراندنیان لەسەر میلاکی وەزارەتی تەندروستی هەیە، دەتوانن لە ڕێگەی ئەم فۆرمەوە داواکاریی بۆ دامەزراندن پێشکەش بکەن، ئاشکراشی دەکات کە دوای پەسەندکردنی خشتەی بودجە ڕێکارەکانی دامەزراندنی ئەو دەرچووانە دەستپێدەکات.

 

بەستەری پێکەشکردنی داواکاریی: