وەزارەتی پەروەردەوە ناوەندەکانی خوێندن لەبارەی دۆخی ڕۆژئاوای کوردستان ئاگادار دەکاتەوە

ئاڤا نیوز

وەزارەتی پەروەردە سەرجەم ناوەندەکانی حکومی و ناحکومییەکانی پابەند کردووە، سبەی وانەیەک تەرخان بکەن بۆ پشتگیری ڕۆژئاوا و  گوتنەوەی وانەی نیشتمانپەروەری.

چیرۆکی سەرەکی: زیاتر لە دوو هەفتەیە شەڕ و ئاڵۆزی لە ڕۆژئاوای کوردستان هەیە، بەهۆیەوە دەیان شەڕڤان شەهید بوون، سەدان هەزار کورد لە ناوچەکانی خۆیان ئاوارە بوون و لەدۆخێکی خراپی مرۆییدان.

ڕاگەیێنراوی فەرمی: بەگوێرەی ڕاگەیێنراوی فەرمی وەزارەتی پەروەردە، لەسەرجەم ناوەندەکانی خوێندنی حکومی و ناحکومی، وانەی یەکەم تەرخان بکەن بۆ وتنەوەی وانەیەکی تایبەت بە پشگیری ڕۆژئاوای کوردستان.

لە ڕاگەیێنراوەکە هاتووە هەر مامۆستایەک لە پۆلەکەی خۆیدا بەتایبەتیش جەخت بکاتەوە لەم چەند پرسە:

٠ خۆشەویستی نیشتیمان و مافی ڕەوای خەڵکی کوردستان لە ئازادی.

٠ لەگەڵ ئاشتی و پێکەوە ژیانین، بەڵام دژ بەهەر کردەوەیەکین کە ببێتە مایەی ستەم لەگەلەکەمان و هەرکات بگاتە هێرش لەسەر بوونمان وەک کورد هەموومان یەکین.