ئاگربەستی نێوان هەسەدە و سوپای سووریا بۆ 15 ڕۆژی دیکە درێژکرایەوە

ئاڤا نیوز

وەزارەتی بەرگری سووریا ڕاگەیاند، ماوەی ئاگربەست لە سەرجەم میحوەرەکانی سوپای عەرەبی سووریا بۆ ماوەی 15 درێژکرایەوە و هەسەدەش ڕایگەیاند ئەوان ڕێککەوتوون لەسەر ئەو ماوەیە.

ڕاگەیێنراوی فەرمی: وەزارەتی بەرگریی سووریا لە ڕاگەیێنراوێکدا ڕایگەیاند، ماوەی ئاگربەست لە سەرجەم میحوەرەکانی سوپای عەرەبی سووریا بۆ ماوەی 15 درێژکرایەوە، ئاگربەستی درێژکراوەش لە کاتژمێر 11:00ـی ئەمشەو 24 ـی 1ـی 2026 دەستیپێکردووە.

ڕاگەیێنراوی لایەنی بەرامبەر: هێزەکانی سووریای دیموکرات (هەسەدە) ڕایگەیاند، ڕێککەوتوون بۆ درێژکردنەوەی ماوەی ئاگربەست بۆ ماوەی 15 ڕۆژ. ئەمەش بە نێوەندگیری نێودەوڵەتییە و هاوکاتە لەگەڵ بەردەوامیدان بە گفتوگۆکان لەگەڵ دیمەشق.

لە بەشێکی دیکەی ڕاگەیێنراوەکە هاتووە، هێزەکانمان ڕێز لە بڕیاری ئاگربەست دەگرن، جەخت لە کەمکردنەوەی گرژیەکان دەکەنەوە لە پێناو ئارامی و پاراستنی هاوڵاتییان.

لەلایەکی دیکەوە: ئێوارەی ئەمرۆ، فەرماندەیەکی سەربازی هەسەدە بە ئاڤای وت، لەگەڵ حکومەتی سووریا گفتوگۆ کراوە، هەردوولا ڕازی بووین بە درێژکردنەوەی ئاگربەست بۆ ماوەی مانگێک.