سوودانی بەبۆنەی جەژنەوە پەیامێک ئاراستەی هاووڵاتیان دەکات

ئاڤا نیوز

سەرۆکوەزیرانی عێراق بەبۆنەی جەژنی قوربان پیرۆزبایی لە هەموو عێراقییەکان دەکات و دەڵێت، کاروانی خۆشگوزەرانی و  ئاوەدانی وڵات بەردەوامە و هەرگیز ناوەستێت.

وێنە گەورەکە: لە هەرێمی کوردستان بەهۆی بێ مووچەیی خەڵک بە گڕوتینەوە بەشدارییان لە جەژنی قوربانی ئەمساڵدا نەکرد، دوای ئەوەی 28ـی ئایاری ئەمساڵ تەیف سامی، وەزیری دارایی عێراق ڕەوانەکردنی مووچەی مانگانەی بۆ هەرێمی کوردستان ڕاگرت.

بڵاوکراوەی فەرمی: محەممەد شیاع سوودانی، سەرۆکوەزیرانی عێراق لە پەیامێکدا ئاماژەی بەوەکردووە، بە بۆنەی هاتنەوەی جەژنی قوربان پیرۆزبایی ئاراستەی گەلی عێراق و هەموو موسڵمانان دەکات. جەژنێکی تر دێت و وڵاتەکەمان پێشکەوتن و خۆشگوزەرانی بەخۆیەوە دەبینێت، لە سایەی هەوڵە گەورەکانی عێراقییەکانەوە، چەرخی کار و ئاوەدانکردنەوە کەوتە جوڵەوە و هەرگیز ناوەستێت.