مالیکی: نابێت بەعسییەکان لە هەڵبژادن بەشداری بکەن

ئاڤا نیوز

سەرۆکی هاوپەیمانی دەوڵەتی یاسا داوای ڕێگری لە بەشداریکردنی هەر کەس و لایەنێک دەکات سەر بە حیزبی بەعسی هەڵوەشاوە بێت و داواش لە دەستەی لێپرسینەوە و دادپەروەری و کۆمیسیۆنی هەڵبژاردنەکان دەکات ڕۆڵی خۆیان بگێڕن.

وێنە گەورەکە: بڕیارە 2025-11-11، هەڵبژاردنەکانی پەرلەمانی عێراق ئەنجام بدرێت، کۆمیسیۆن ئامادەکاری بۆ لیست و هاوپەیمانیەتییەکان کۆتایی پێ هێناوە.

لێدوانی فەرمی: نووری مالیکی، سەرۆکی هاوپەیمانی دەوڵەتی یاسا ڕایگەیاند: دەستووری عێراق، لە مادەی حەوتدا، قەوارەی ڕەگەزپەرست و تیرۆریستی قەدەغەکردووە، حیزبی بەعسی هەڵوەشاوە لەسەر بنەمای ڕەگەزپەرستی و تووندڕەوی دامەزراوە و هەڵگری ئەو ڕێبازەیە.

زانیاریی زیاتر: مالیکی داوای لە دەستەی لێپرسینەوە و دادپەروەری و کۆمیسیۆنی باڵای هەڵبژاردنەکان کرد، بۆ پاراستنی ئەزموونی دیموکراسی و سەرکەوتنی پڕۆسەی هەڵبژاردن پشکنینی ئەمنیی تەواو بۆ کاندید و لایەنەکان بکەن.

شێوازی جێبه‌جێكردن: سەرۆکی هاوپەیمانی دەوڵەتی یاسا ئاماژەی بەوشکرد، پێویستە ڕێگری لە کاندیدبوونیان یان بەشداریکردنی هەر کەسێک یان لایەنێک بکەن کە لە ڕووی دەستوورییەوە بە قەدەغەکراو ناسێنراوە .