ترەمپ: نێوانم لەگەڵ کیم جۆنگ ئوون زۆر باشە

ئاڤا نیوز

 

دۆناڵد ترەمپ، سەرۆکی ئەمریکا دەڵێت، هەوڵ دەدات کێشەکانی وڵاتەکەی لەگەڵ کۆریای باکوور چارەسەر بکات.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، "نێوانم لەگەڵ کیم جۆنگ ئوون زۆر زۆر باشە، ئێمەش لەگەڵ کۆریای باکووردا ململانێیەکە چارەسەر دەکەین".

 

زانیاریی زیاتر: ترەمپ لە کۆتایی مانگی ئازاردا ڕایگەیاندبوو، ئیدارەکەی لەگەڵ کیم جۆنگ ئوون لە پەیوەندیدابووە بۆ چارەسەرکردنی کێشە و گرفتەکان.

 

ئەوەی پێویستە بیزانیت: دۆناڵد ترەمپ، سەرۆکی ئەمریکا وەڵامی پرسیاری ڕۆژنامەنووسێکی نەدایەوە بەوەی لایەنی کۆریای باکوور ڕەتیکردووەتەوە نامەیەکی ترەمپ وەربگرێت کە ئاراستەی کیم جۆنگ ئوون، ڕێبەری کۆریای باکووری کردووە و تیایدا نیازی ترەمپی بۆ دەستپێکردنی گفتوگۆی دوولایەنە خستووەتەڕوو.

 

ئەمەش بزانە: ترەمپ لە خولی یەکەمی سەرۆکایەتیدا سێ جار لەگەڵ کیم جۆنگ ئوون کۆبووەوە و بووە یەکەم سەرۆکی ئەمریکا بچێتە کۆریای باکوور.