ڕووسیا و ئۆکرانیا 2400 دیلیان ئاڵوگۆڕ کرد

ئاڤا نیوز

 

لە چوارچێوەی ئاڵوگۆڕی دیلەکانی نێوانیان، ئەمڕۆ پێنجشەممە ڕووسیا و ئۆکرانیا 2400 سەربازی دیلیان پێكەوە گۆڕییەوە.

 

وێنە گەورەکە: لە گەڕی سێیەمی دانوستاندنەکانی ئاشتیی نێوان ڕووسیا و ئۆکراینا کە لە تورکیا بەڕێوە چوو، هەردوولا لەسەر ئاڵۆگۆڕی ژمارەیەک دیل و زیندانی ڕێک کەوتن.

 

ڕاگەیێنراوی فەرمی: ئەمڕۆ پێنجشەممە، وەزارەتی بەرگریی ڕووسیا ڕایگەیاند: 1200سەربازی ڕووسیا گەڕانەوە مۆسکۆ. لەبەرامبەریشدا 1200 سەربازی ئۆکرانیاش ئازاد کراون و گەڕاونەتەوە وڵاتەکەیان.

 

باکگراوند: ڕێککەوتی 16-5-2025، یەکەم گەڕی دانوستانەکاندنی نێوان مۆسکۆ و کیێڤ بەڕێوە چوو، دواتریش لە 2-6-2025 دووەم گەڕ و لە 23-7-2025یش سێیەم گەڕی دانوستاندن لە نێوان هەردوو شاندی ڕووسیا و ئۆکرانیا بۆ کۆتاییهێنان بە جەنگی نێوانیان بەڕێوە چوو.