یەکەمێکی پۆلی 12 گلەیی لە هەوراز گوڵپی دەکات

ئاڤا نیوز

یەکەمێکی پۆلی 12 لە گەرمیان گلەی لە هەوراز گۆڵپی هەیە کە لە گەشتی هەواڵەکانی سەعات حەوتی ئاڤا باسی نەکردووە و پەیامێکی تایبەتی بۆی هەبوو. 

چیرۆکی سەرەکی: دوای ڕاگەیاندنی ئەنجامەکان و باسکردنی  ناو و ئەزموونی هەوڵدانی گەنجێکی گەرمیان، جێوار لوقمان ڕەشیدە، لە بەشی عیلمی پۆلی 12 بە ساڵی یەکەم کۆنمرەی 692ی هێناوە، دواتر پەیامێکی بۆ هەوراز گوڵپی ناردووە و دەڵێت: خۆشەویسترین بێژەرە لای من، تەنانەت کاتی تاقیکردنەوەکانیش من هەر سەر سەیری سەعات حەوتم دەکرد. 

لێدوانی فەرمی: جێوار لوقمان ڕەشیدە لە بەشێکی دیکەی پەیامەکەیدا دەڵێت: دڵم ڕەنجاوە بەپێی پێوەری وەزارەتی پەرەوەردە من یەکەمم و کاک هەوراز باسی منی نەکردووە. 

 

زانیاریی زیاتر: چەند ڕۆژێک پێش ئێستا، هەر لە گەشتی هەواڵەکانی کاتژمێر حەوت دا، باسی یەکێکی دیکە لە قوتابییە سەرکەوتووەکانی گەرمیان کرا بە ناوی ئەحمەد کەریم، کە دواتر لەلایەن کوردستان فاوندەیشنەوە ئاواتەکەی دەهێنرێتەدی و دەنێردرێتە دەرەوەی وڵات بۆ ئەوەی فڕۆکەوانی بخوێنێت.

ئەحمەد کەریم بە ساڵی دووەم کۆنمرەی 694ی هێنابوو، بەرزترین نمرەیە لەسەر ئاستی گەرمیان، دوو پۆینت لە جێوار لوقمان زیاتر.

بۆچوونی لایەنی بەرامبەر: لەوبارەیەوە سەرچاوەیەک لە وەزارەتی پەوەردە بە ئاڤای ڕاگەیاند: ئەو پێوەرەمان ڕاگرتووە و ئەمساڵ و ساڵانی داهاتووش کاری پێ ناکەین، لای ئێمە شتێک نەماوە بە ناوی یەکەم و دووەم.