کوردستان فاوندەیشن خەونی یەکەمەکەی گەرمیان بەدیدەهێنێت

ئاڤا نیوز

قوتابییەکی گەرمیان دوای ئەوەی لە دوا قۆناغی ئامادەیی پلەی یەکەم لەسەر ئاستی گەرمیان بەدەستدەهێنێت، دامەزراوەی کوردستان فاوندەیشن ئاواتەکەی بۆ دەهێنێتەدی و دەینێرێتە دەرەوەی وڵات و هەموو خەرجییەکانی خوێندنی زانکۆی لە ئەستۆ دەگرێت.

چیرۆکی سەرەکی: ئەحمەد کەریم، قوتابی پۆلی 12ی زانستی بوو، ئەمساڵ یەکەمی گەرمیان بوو، بەکۆنمرەی 99.66. تاکە خەونی ئەحمەد دوای تەواوکردنی قۆناغی ئامادەیی ئەوە بوو کە ببێت بە شۆفێری فڕۆکەوانی  و لە دەرەوەی وڵات بخوێنێت. خەونەکەی هاتەدی و دامەزراوەی کوردستان فاوندەیشن ئەو ئەرکەی خستە سەر شانی خۆی.

ئەوەی پێویستە بیزانیت: ئەحمەد کەریم ساڵی ڕابردووش لە پۆڵی 12 نمرەی 97ی بەدەستهێنابوو، بەڵام خۆی باسی دەکات و دەڵێت "نەچوومە زانکۆ و ئامانجی من ئەوە بوو کە پلەی یەکەم بەدەستبێن لەسەر ئاستی گەرمیان و ئامانجەکەشم گەیشتم".

ئەحمەد لە ساڵی 2020 باوکی کۆچی دوایی کردووە و شەش برا و خوشکێنن، دایکی بە هەژاری بەخێوی کردوون.

خاڵە ئەرێنییەکان: دوای ئەوەی ئەحمەد باسی چیرۆکی سەرکەوتنەکانی دەکات و خەونەکەشی ئاشکرا دەکات، دامەزراوەی کوردستان فاوندەیشن پەیوەندی پێوە دەکات و خەونەکەی بەجێ دەگەیێنێت کە ئەوەیە لە دەرەوەی ولات بۆ بواری فڕۆکەوانی بخوێنێت، هەموو خەرجیی خوێندنەکەیشی لەئەستۆ دەگرن.