بەهۆی شەڕی نێوان تایلەند و کەمبۆدیاوە 138 هەزار کەس ئاوارە بوون

ئاڤا نیوز

گرژییە سنوورییەکانی نێوان تایلەند و کەمبۆدیا بەردەوامن و بە هۆیانەوە دانیشتوانی ناوچە سنوورییەکان ئاوارە دەبن.

ڕاگەیێنراوی فەرمی: وەزارەتی تەندروستی تایلەند ڕایگەیاند بە هۆی شەڕەوە 138 هەزار و 13 هاوڵاتیی مەدەنی و 428 نەخۆشی نەخۆشخانە لە ناوچە سنوورییەکان گواستراونەتەوە.

زانیاریی زیاتر: لە ڕۆژی پێنجشەممەوە شەڕی نێوان هەردوو وڵات دەستی پێکردووە. بە هۆی ئەم شەڕەوە تا ئێستا چەند سەربازێک و دەیان کەسی مەدەنی لە هەردوولا کوژراون.

ئەمەش بزانە: ناکۆکیی نێوان ئەم دوو وڵاتە لە سەر سنووری نێوانیانە و لە بنەڕەتدا بۆ ساڵی 1907 دەگەڕێتەوە.