هاوکاری هاوپەیمانان بۆ مانگی حەوت دابەش دەکرێت

ئاڤا نیوز 

 

هاوکاری هاوپەیمانان بۆ مانگی حەوت تەمویلی وەزارەتی پێشمەرگە کرا و ڕۆژی پێنج شەممە دابەش دەکرێت.

 

ڕاگەیێنراوی فەرمی: بە گوێرەی ڕاگەیێنراوی وەزارەتی پێشمەرگە، ئەمڕۆ پێنجی ئابی 2025، هاوکاریی دارایی هاوپەیمانان بۆ مانگى حەوت  تەمویلی وەزارەتی پێشمەرگە کرا، دوای ئەنجامدانی رێکارە دارایى و ژمێریارییەکان لەلایەن بەریوەبەرایەتى گشتىی بوودجە و بەرنامەکان (ژمێریارى سەربازى)، لە رۆژی پێنج شەممە بەرواری حەوتی ئاب دەست بە دابەشکردنى دەکرێت.

 

ئەوەی پێویستە بیزانیت: لەم مانگەدا نزیکەی 78 هەزار کەس ئەو هاوکارییە دەیانگرێتەوە، نزیکەی 74 هەزار ئەفسەر و پلەدار و پێشمەرگە بە سیستەمی پڕۆژەی هەژماری من هاوکاری هاوپەیمانان وەردەگرن، ئەوانەی تریش لە رێگەی سیستەمی بانکییەوە هاوکارییەکان وەردەگرن.

 

ئەوەش بزانە: هەر پێشمەرگەیەک زیاتر لە 200 هەزار دینار وەردەگرێت.