وەزیری بەرگریی ئیسرائیل: وەک هەمیشە ئامادەی ئۆپەراسیۆنەکانین

ئاڤا نیوز 

 

بنیامین نەتانیاهۆ سەرۆکوەزیرانی ئیسرائیل لەبارەی دۆخی غەززە ڕایگەیاند، بڕیارمان داوە دەست بەسەر تەواوی غەززەدا بگرین و وەزیری بەرگریی ئیسرائیل لە وەڵامدا دەڵێت هەر کاتێک بڕیاری پێویست درا ئەوە بەشداری کارایی سەربازیمان دەبێت لە غەززە.

وێنە گەورەکە: کڕۆکی ناکۆکییەکانی نێوان حەماس و ئیسرائیل  ئێستا پرسی ڕادەست کردنی بارمتەکانی ئیسرائیلە، حەماس دەڵێت، کاتێک بارمتەکان ئازاد دەکرێن کە سوپای ئیسرائیل هیچی دیکە هەژموونی لە غەززە نەبێت و بۆردوومان  و هێرشەکانی ڕاگرێت، لەلایەکی دیکەوە ئیسرائیل دەڵێت، کاتێک هێرشەکانمان ڕادەگرین کە حەماس لە غەززە نەمێنێت و پێداگرین لە بەدیهاتنی ئامانجمان و هیچ شوێنێک بۆ حەماس لە غەززە نابێتەوە.

لێدوانی فەرمی: ئیسرائیل کاتز، وەزیری بەرگری ئیسرائیل ڕایگەیاند، "هەر بڕیارێک سەرکردایەتی ئیسرائیل بیدات ئەوە ئێمە بە شێوازێکی پڕۆفیشاناڵانەوە جێبەجێی دەکەین و وەک هەمیشە ئامادەی ئەنجامدانی ئۆپەراسیۆنین.

ئەمەش بزانە: ئەمڕۆ بنیامین نەتانیاهۆ، سەرۆکوەزیرانی ئیسرائیل، بڕیار لەسەر کۆنترۆڵکردنی یەکجاری و تەواوەتیی کەرتی غەززە دەدات.

 

باکگراوند: نزیکەی سێ ساڵە جەنگی نێوان حەماس و ئیسرائیل بەردەوامە و لە 7ــی ئۆکتۆبەری ساڵی 2023ـــەوە تاوەکو ئێستا زیاتر لە 60 هەزار کەس لە غەززە کوژراون و زیاتر لە هەزار کەسیش لە ئیسرائیل بەهۆی شەڕەکەوە کوژراون.