ژنێک لە نیوزلەندا بە تۆمەتی حەشاردانی منداڵێک لەناو جانتای سەفەرەکەی دەستگیر کرا

ئاڤا نیوز

ژنێک لە نیوزلەندا دەستگیرکرا پاش ئەوەی کچێکی دوو ساڵان لە جانتای سەفەرەکەی دۆزرایەوە، منداڵەکە ڕەوانەی نەخۆشخانە کراوە بۆ دڵنیابوونەوە لە تەندروستی.

چیرۆکی سەرەکی: ژنێکی نیوزلەندی بەهۆی ئەوەی منداڵێکی تەمەن دووساڵانی لەنێو جانتای سەفەرەکەیدا هەڵگرتبوو دەستگیر کرا، ئەوەش دوای ئەوە ئاشکرا بوو کە یەکێک لە جانتاکان لەکاتی هەڵگرتنی بۆ نێوپاسەکە جوڵاوە و شۆفێرەکە پێێ زانیوە.

زانیاریی بەدەستهاتوو: ئاژانسی BBC ڕایگەیاند: ژنێکی نیوزلەندی تەمەن 27 ساڵ بەهۆی ئەوەی منداڵێکی کچی تەمەن دوو ساڵانی لە نێو جانتای سەفەرەکەیدا هەڵگرتبوو دەستگیر کراوە منداڵەکەش بۆ دڵنیابوون لە تەندروستی ڕەوانەی نەخۆشخانە کراوە.

زانیاریی زیاتر: کچە دوو ساڵەکە دوای ئەوەی لە جانتاکە هێنراوەتە دەرەوە گیانی زۆر گەرم بووە، بەڵام هیچ زیانێکی جەستەیی بەرنەکەوتووە، لە کاتێکدا جانتاکان لە بەشێکی جیا لە ژێرەوە پاسەکە هەڵگیرابوو.