داهاتی نانەوتی مانگی حەوت ئامادە دەکرێت

ئاڤا نیوز

وەزارەتی دارایی و ئابووری هەرێمی کوردستان، سەرقاڵی ئامادەکردن و کۆکردنەوەی داهاتی نانەوتی مانگی حەوتە لەکاتێکدا هێشتا بەغدا مووچەی مانگی شەشی مووچەخۆرانی خەرجنەکردووە.

وێنە گەورەکە: داهاتی نانەوتی مانگی شەش ئامادەکراوە، تەنیا ماوەتەوە سەر ئەوەی بخرێتە سەر هەژماری بانکی وەزارەتی دارایی عێراق، لەسەر جێبەجێکردنی ئەو لێکتێگەیشتنە ماوەتەوە کە لە نێوان هەولێر و بەغدا کراوە، بەمەبەستی ڕادەستکردنی داهاتی نەوتی و نانەوتی بە بەغدا.

لێدوانی فەرمی: سەرچاوەیەک لە وەزارەتی دارایی و ئابووری هەرێمی کوردستان بە ئاڤای گوت، "سەرجەم ئەو فەرمانگانەی داهاتیان هەیە، ئاگادارکراونەتەوە تەسویەی داهاتەکان ئەمڕۆ بدەن بە گەنجینەکان بەمەبەستی کۆکردنەوەی داهاتی نانەوتی مانگی حەوت."

گۆشەیەکی دیکەی دیمەنەکە: پرسی مووچەی مووچەخۆرانی هەرێمی کوردستان تاوەکو ئێستا بە هەڵواسراوی ماوەتەوە و چاوەڕوان دەکرێت لە پەراوێزی کۆبوونەوەی ئەمڕۆی ئەنجوومەنی وەزیرانی عێراق باس بکرێت.