ئەنجامى تاقیکردنەوەى توانستی زمان ڕادەگەیێنرێت

ئاڤا نیوز

بڕیارە ئێوارەی ئەمڕۆ ئەنجامى تاقیکردنەوەى دیاریکردنى ئاستى زمانى ئینگلیزى ڕابگەیێنرێت، ئەمەش دوای ئەوەی هەفتەی ڕابردوو تاقیکردنەوەکان بەڕێوەچوون.

وێنە گەورەکە: بڕوانامەی توانستی زمانی ئینگلیزی بەشێکە لە ڕێکارەکانی خوێندنی ماستەر و دکتۆرا و وەرگرتنی ناسناوی زانستی، بۆیە ساڵانە خوازیاران بەشداری لە خولی سەنتەرەکانی زمانی زانکۆ حکومییەکانی هەرێمی کوردستان دەکەن.

زانیاریی بەدەستهاتوو: ئەمڕۆ کاتژمێر چواری ئێوارە ئەنجامى تاقیکردنەوەى دیاریکردنى ئاستى زمانى ئینگلیزى ڕادەگەیێنرێت.

لێدوانی فەرمی: عەباس ئەکرەم، وتەبێژی وەزارەتی خوێندنی باڵا و توێژینەوەی زانستی بە ئاڤای گوت، دوای ڕاگەیاندنی ئەنجامی دیاری کردنی ئاست، دەستبەجێ وادەی دەستپێکردنی خولەکان دیاریدەکرێت.

زانیاریی زیاتر: هەفتەی ڕابردوو، هەزار و 892 خوازیار بەشدارییان لە تاقیکردنەوەکە کردووە.

ئەوەی پێویستە بیزانیت: بۆ وەرگرتنەوەى ئەنجامى تاقیکردنەوەى کۆتایی ئاستەکانى زمانى ئینگلیزى لە سەنتەرى زمانى زانکۆکانى کوردستان، کلیک لەسەر ئەم بەستەرەى خوارەوە بکەن.

بینینی ئەنجامەکان

ئەمەش بزانە: ئەوانەی لە تاقیکردنەوەی بەرایی زمان خوار ئاستی ئینتەرمیدیەت دەهێنن، دەبێت بەشداری لە خولی زمانی سەنتەرەکان بکەن، کە بۆ هەر ئاستێک دوو مانگی پێویستە، بۆ خوێندنی ماستەر سێ ئاست و دکتۆرا چوار ئاستە.