لە هەولێر 436 هۆڵی تاقیکردنەوە بۆ خولی دووەمی تاقیکردنەوەی پۆلی 12 ئامادە دەکرێن

ئاڤا نیوز

بۆ ئەنجامدانی تاقیکردنەوەکانی خولی دووەمی پۆلی 12ی ئامادەیی، 436 هۆڵی تاقیکردنەوە لە سنووری پارێزگای هەولێر ئامادە دەکرێن.

چیرۆکی سەرەکی: ئەمڕۆ كۆبوونه‌وه‌یه‌كی تایبه‌ت به‌ لێژنه‌ی ئه‌منیی ئامادەکاری بۆ ئەنجامدانی خولی دووەمی تاقیکردنەوەکانی پۆلی 12ی ئامادەیی بۆ ئەمساڵی خوێندن کرا، تیایدا ئەرک و بەرپرسیاریێتی لایەنە پەیوەندیدارەکان بۆ ئەم پرۆسەیە دیاری کرا.

زانیاریی بەدەستهاتوو: لە سنووری پارێزگای هەولێر 31 هه‌زار و 95 قوتابی پۆلی 12 تاقیکردنەوەی خولی دووەم دەکەن، بۆ ئەم مەبەستە 436 هۆڵی تاقیکردنەوە ئامادە دەکرێن و پێداویستییەکانی تاقیکردنەوەیان بۆ دابین دەکرێت، بە تایبەت دابینکردنی کارەبا و ئامێرەکانی فێنککەرەوە و پاراستنی سه‌قامگیری بۆ هۆڵەکانی تاقیکردنەوە.

ئەوەی پێویستە بیزانیت: 23ی ئەم مانگە تاقیکردنەوەکانی خولی 12ی پۆلی دوازدەی ئامادەیی دەستپێدەکات و تا هەشتی مانگی داهاتوو بەردەوام دەبێت.