ئاگربڕ بۆ ئاگرەکەی هەڵەبجە دروست دەکرێت

ئاگربڕ بۆ ئاگرەکەی هەڵەبجە دروستدەکرێت و هەوڵدەدرێت لە دۆڵێکدا کۆنترۆڵ بکرێت.

 

چیرۆکی سەرەکی: لە دوانیوەڕۆی ڕۆژی یەکشەممەوە 17-8-2025، ئاگرێکی بەرفراوان لە سنووری سێ گوندی پارێزگای هەڵەبجە کەوتووەتەوە، ئاگرەکە تەشەنەی کردووە و سنووری شەش گوندی ناوچەکەی تێپەڕاندووە.

 

زانیاری پەیامنێر: ئاراس ڕەفیق پەیامنێری ئاڤا لە هەڵەبجە گوتی: کار بۆ ئەوە دەکریت ئاگرەکە لە دۆڵێکدا کۆنترۆڵ بکرێت.

 

لێدوانی فەرمی: رائیدی پۆلیس زانیار عومەر، گوتەبێژی بەرگریی شارستانیی هەڵەبجە، بە ئاڤای گوت: بە بەکارهێنانی شۆفڵ و گرێدەر کار لەسەر ئەوە دەکەین ئاگربڕ دروست بکەین، ئەگەر کەشوهەوا یارمەتیدەر بێت و خێرایی با زۆر نەبێت هەوڵی دەدەین ئەمڕۆ ئاگرەکە کۆنترۆڵ بکەین.