خانمی یەکەمی ئەمریکا بە نیشتمانپەروەری ساڵ دەستنیشانکرا

ئاڤا نیوز

مێلانیا ترەمپ، خانمی یەکەمی ئەمریکا، خەڵاتی نیشتمانپەروەری ساڵی بەدەستهێنا بەهۆی بەشداریکردن و ڕۆڵی گرنگی لە سیاسەتی ناوخۆ و دەرەوەی ئەمریکادا.

بۆچی گرنگە: بەهۆی بەشداری چالاکانەی لە سیاسەتی ناوخۆ و دەرەوە دوای گەڕانەوەی بۆ کۆشکی سپی مێلانیا ترەمپ هاوسەری دۆناڵد ترەمپ، سەرۆکی ئەمریکا،لە حەوتەمین ئاهەنگی ساڵانەی خەڵاتی پاتریۆت لەلایەن فۆکس نەیشنـەوە خەڵاتی پاتریۆتی ساڵی پێبەخشرا.

زانیاریی بەدەستهاتوو: لەکاتی وەرگرتنی خەڵاتەکەدا وتارێکی حەوت خوولەکی پێشکەشکرد و تێیدا باسی لە گرنگی ئەو ئەمریکییانەی کرد کە بیرکردنەوەیەکی جیاوازیان هەیە.

زانیاریی زیاتر: لە نێو دەستپێشخەرییەکانی خانمی یەکەمی ئەمریکا،  هاوکار بووە لە یەکخستنەوەی منداڵانی ئۆکراینا و ڕووسیا لەگەڵ خێزانەکانیان کە بەهۆی جەنگەوە لێک دابڕابوون، هاوکات 25 ملیۆن دۆلار لە بودجەی فیدراڵی دابنین کرد بۆ پشتگیرییکردن لەو گەنجانەی کەلە خانەی بێسەرپەرشتیانی دەژین.

باکگراوند: خەڵاتی پاتریۆت لەلایەن فۆکسەوە لە ساڵی 2019 ناسێندرا، خەڵاتێکی ڕێزلێنانەیە بەو کەس و  پاڵەوانە ئەمریکییانە دەدرێت  کە کاری خۆبەخشی بۆ ئەمریکا نیشان دەدەن.