شەرع گەیشتە ئەمریکا

هەواڵ
1 کاتژمێر لەمەوپێش

شەیری بکە لە:

دیدارێکی پێشتری دۆناڵد ترەمپ، سەرۆکی ئەمریکا لەگەڵ ئەحمەد شەرع، سەرۆککۆماری سوریا کە لە مانگی 5ی 2025 لە ریازی پایتەختی سعودیە کۆبوونەوە.

ئاڤا نیوز

ئەحمەد شەرع، سەرۆككۆماری سووریا بە سەردانێكی مێژوویی گەیشتە ئەمریكا و لە چوارچێوەی ئەم سەردانەدا بڕیارە شەرع لەگەڵ دۆناڵد ترەمپ، سەرۆكی ئەمریكا كۆببێتەوە و چەند رێككەوتنێك واژۆبكرێت.

زانیاریی بەدەستهاتوو: بەپێی ڕاپۆرتی ئاژانسی هەواڵی فەڕمی سووریا "سانا"، ئەحمەد شەرع سەرۆككۆماری سووریا ئەمڕۆ شەممە بە سەردانێكی فەرمی گەیشتە ئەمریكا.

پێش سەردانەكە: لە چەند رۆژی ڕابردوودا ئەنجوومەنی ئاسایشی نێودەوڵەتی و ویلایەتە یەكگرتووەكانی ئەمریكا بە فەرمیی ئەحمەد شەرعی لە لیستی تیرۆر كوژاندەوە.

ئەوەی پێویستە بیزانیت: سەردانەكەی شەرع بۆ واشنتن یەكەم سەردانی سەرۆكێكی سووریایە لەدوای سەربەخۆیی وڵاتەكەی لە ساڵی 1946.

ئەوەی پێشبینی دەكرێت: لەم سەردانەدا بڕیارە شەرع لەگەڵ دۆناڵد ترەمپ سەرۆكی ئەمریكا كۆببێتەوە هاوكات، لە چوارچێوەی ئەم سەردانەدا بڕیارە دیمەشق ڕێككەوتنێك واژۆ بكات كە بە فەرمی ببێتە ئەندامی هاوپەیمانیەتیی نێودەوڵەتیی دژی داعش.