پڕۆسەی دەنگدانی تایبەت لە وڵاتانی جیهان چۆن بەڕێوەدەچێت؟

ئاڤا نیوز

پرۆسەی هەڵبژاردن لە وڵاتێک بۆ وڵاتێكی دیکە جیاوازە، تەنانەت پرۆسەی دەنگدانی تایبەت یان دەنگدانی پێشوەختە لە وڵاتان بە شێوازی جیاواز بەڕێوەدەچێت، لێرەدا چەند وردەکارییەک سەبارەت بە جیاوازی ئەم پرۆسەیە لە وڵاتان ئاشکرا دەکرێت.

چیرۆکی سەرەکی: کاتژمێر حەوتی بەرەبەیانی ئەمڕۆ یەکشەممە 9-11-2025، پڕۆسەی دەنگدانی تایبەت بۆ هەڵبژاردنی خولی شەشەمی پەرلەمانی عێراق بە بەشداریی یەک ملیۆن و 313 هەزار و 980 دەنگدەری تایبەت دەستیپێکرد، ئەم شێوازەی دەنگدان بۆ ئەو کەسانە تەرخانکراوە کە بەهۆی چەند بارودۆخێکی دیاریکراوە یان هەبوونی چەند ئەرکێکی دیارییکراو لە وڵاتدا توانای ئەوەیان نییە لە دەنگدانی گشتیی دەنگ بدەن، ئەوان بەشداریی لەدەنگدانی تایبەت دەکەن.

دەنگدانی تایبەت یان پێشوەختە چییە و کێ دەتوانێت دەنگ بدات؟

- لە هەندێک وڵات دەنگدانی تایبەت بۆ چەند لایەنێکی تایبەت دانراوە بۆ نموونە عێراق؛  هێزە ئەمنییەکانی وڵاتەکە و ئاوارەکان لە دەنگدانی تایبەت دەنگ دەدەن.

- سەبارەت بە دەنگدانی پێشوەختە، دەنگدەران دەتوانن پێش هەڵبژاردنی گشتیی دەنگ بدەن، ئەمەش بەهۆی زۆری ژمارەی دانیشتووان یاخود چەند هۆکارێکی دیکە، بۆ نموونە ئەمریکا، لە زۆرینەی ویلایەتەکانی ئەم شێوازەی دەنگدان بەردەستە

لە کامە وڵات دەنگدانی تایبەت یاخوود پێشوەختە هەیە؟

ئوسترالیا، نیوزلەندا، فینلەندا،ڕووسیا و نەرویج و هەموو ئەم وڵاتانەش بەشێوازی جیاواز ئەم پڕۆسەیە ئەنجام دەدەن.

ئایا لە هەموو وڵاتێک دەنگدانی تایبەت هەیە؟

ئەم جۆرەی دەنگدان لە هەموو وڵاتێک بەردەست نییە، بۆ نموونە، لە وڵاتی ئەرجەنتین، بەحرەین، بەنگلادیش، ئەرمینیا و ئەلبانیا، میسیسیپی لەم وڵاتانەدا، هیچ جۆرێکی دەنگدانی تایبەتیان نییە، واتە دەنگدەر تەنیا بۆی هەیە لە ڕۆژی هەڵبژاردنی گشتی دیارییکراودا دەنگ بدات 

ئەم شێوازەی دەنگدانە چ گرنگییەکی هەیە؟

دەنگدانی پێشوەختە سەلماندوویەتی کە سوودی هەیە بۆ بەڕێوەبردنی هەڵبژاردنەکان بەبێ هیچ کێشەیەک، کاتێک زۆربەی دەنگدەران لە یەک ڕۆژدا دەنگ دەدەن، ئەگەری دروستبوونی کێشە زیاترە و تەنانەت چارەسەکردنی کێشەکە کاتێکی زۆرتر دەخایەنێت.

- بۆیە دەنگدانی تایبەت ڕێگەیەکە بۆ دەستنیشانکردنی کێشەکان بۆ ئەوەی لە ڕۆژی دەنگدانی گشتیی ئەو کێشەیە ڕوونەدات، لەوانەش تێکچوونی ئامێرەکان، هێرشی ئەلیکترۆنی، هەڵەی مرۆیی، یان زانیاری هەڵە بۆیە لێرەدا بەرپرسانی هەڵبژاردن دەتوانن زووتر کێشەکان دەستنیشان بکەن.

- هاوکات لە ڕۆژی دەنگدانی گشتی هێزە ئەمنییەکان سەرقاڵی دەنگدان نابن و تەنیا ئەرکی پاراستنی ئەمنییەت جێبەجێ دەکەن.