سارکۆزی لە بەندیخانە ئازاد دەکرێت

ئاڤا نیوز

 

دادگایەکی فەڕەنسا بڕیاری دا بە ئازادکردنی نیکۆڵا سارکۆزی، سەرۆکی پێشووتری فەڕەنسا، تا دادگایی بکرێتەوە.

 

وێنە گەورەکە: سارکۆزی بە تۆمەتی وەرگرتنی پارە لە دەستەڵاتدارانی لیبیا و بەکارهێنانی بۆ بانگەشەی هەڵبژاردنەکانی سەرۆکایەتیی فەڕەنسا، سزای بەندکردنی بەسەردا سەپێنرا بوو و 20 ڕۆژ بوو کە لە بەندیخانە بوو. ئیستا ئازاد دەکرێت تا ئەو کاتەی دووبارە دادگایی دەکرێتەوە و پێداچوونەوە بە دۆسیەکەیدا دەکرێت. 

 

زانیاریی زیاتر: سارکۆزی داوای لە دادگا کردبوو پێداچوونەوە بە بڕیارەکەیدا بکات و وتبووی زیندان بۆ ئەو "کابووس"ـە. هاوکات، داواکاریی گشتیش داوای ئازادکردنی سارکۆزی کردبوو.