زیادبوونی پەتای وەرزی و گرنگی خۆپاراستن

ئاڤا نیوز

ناوەندەکانی کۆنترۆڵکردن و خۆپاراستن لە نەخۆشییەکان، ڕێنمای دەدات بە هاووڵاتییان بۆ دووربوون لە ئەگەری تووشبوون بە پەتای وەرزی پێویستە چەند ڕێکارێکی خۆپارێزی پەیڕەو بکەن و ڤاکسینی وەرزیش وەربگرن.

وێنە گەورەکە: لەگەڵ گۆڕانی کەشوهەوا و دەستپێکردنی وەرزی پاییز و سەرما، ساڵانە هاووڵاتییان تووشبووی پەتای وەرزی دەبن، بەتایبەت جۆری هەڵامەت و سەرئێشە، ئەم نەخۆشییە ڤایرۆسییە کاریگەری ڕاستەوخۆی لەسەر کۆئەندامی هەناسەدان دروست دەکات و بە خێرایی لە ڕێگەی دڵۆپەکانی کۆکە و پژمە و بەرکەوتنی ڕاستەوخۆوە لە کەسێکەوە بۆ کەسێکی تر دەگوازرێتەوە.

ئەوەی پێویستە بیزانیت: نیشانە باوەکانی تووشبوون، کە زۆرجار یەک تا سێ ڕۆژ دوای تووشبوون دەردەکەون، بریتین لە؛ بەرزبوونەوەی پلەی گەرمی (تا)، کۆکە، ئازاری قوڕگ و لووتگیران، هەروەها ئازاری گشتیی جەستە و ماندووبوونی زۆر. 

زانیاریی زیاتر: ئەگەرچی زۆربەی تووشبووان لە ماوەی یەک بۆ دوو هەفتەدا بە تەواوی چاک دەبنەوە، بەڵام بۆ منداڵان، بەساڵاچووان و ئەو کەسانەی نەخۆشی درێژخایەنیان هەیە، ماوەی چاکبوونەوەیان درەنگترە.

لەلایەکی دیکەوە: ناوەندەکانی کۆنترۆڵکردن و خۆپاراستن لە نەخۆشییەکان (CDC)، باسی لەوەکردووە بۆ خۆپاراستن و کەمکردنەوەی بڵاوبوونەوەی پەتاکە، جەخت لەسەر وەرگرتنی ڤاکسینی ساڵانەی پەتای وەرزی دەکاتەوە، پاراستنی پاکوخاوێنی دەست بە شتنی بەردەوام بە ئاو و سابوون، داپۆشینی دەم و لووت لەکاتی پژمە و کۆکەدا، دوورکەوتنەوە لە قەرەباڵغی، و گرنگیدان بە خەو و خۆراکی تەندروست کاریگەرترین ڕێگان بۆ کەمکردنەوەی هۆکارەکانی تووشبوون.