لە هەولێر 27 منداڵ لە ساڵی نوێ لە دایک بوون

ئاڤا نیوز

 

نەخۆشخانەی ئافرەتان و لەدایکبوونی فێرکاری هەولێر، ئاماری لە دایکبوونی بۆ سەری ساڵی نوێ ڕاگەیاند، لە کاتژمێر هەشتی بەیانی تا کاتژمێر 12ـی شەوی ڕابردوو، 27 منداڵ لەدایکبوونە.

 

وێنە گەورەکە: بەهۆی جوانی بەروارەکە، ساڵانە ژمارەیەکی زۆری دایکان هەوڵی ئەوە دەدەن لە 1ـی 1، لەڕێگەی نەشتەرگەری منداڵەکانیان لە دایک بێت، ئەمەش لەڕێگەی پێش یان دواخستنی کاتی ئاسایی منداڵ بوونەکەیان.

 

ڕاگەیێنراوی فەرمی: بەگوێرەی ئامارەکانی نەخۆشخانەی ئافرەتان و لەدایکبوونی فێرکاری هەولێر، لە کاتژمێر 12ـێ شەوی ڕابردوو، تا کاتژمێر 11ـی ئەمڕۆ 27 منداڵ لەدایکبوونە، کە 23 حاڵەتیان لە دایکبوونی ئاسایی بووە و چوار حاڵەتیشاین بە نەشتەرگەری بووە، ئەو منداڵانەی ئەمڕۆ لەدایکبوون، واتا لە ساڵی نوێ 10 کوڕ و 17 کچ بوونە. دوێنیش لەو نەخۆشخانەیە لە کاتژمێر هەشتی بەیانی تا کاتژمێر 12ـی شەوی ڕابردوو، 27 منداڵ لەدایکبوونە، نۆ کوڕ و 18 کچ، کە 10 حاڵەتیان بە نەشتەرگەری بووە.

 

لێدوانی فەرمی: د. سامان بەرزنجی وەزیری تەندروستی هەرێمی کوردستان بە ئاڤای گوت، نەشتەرگەری پیشوەختەی لەدایکبوونی منداڵ لە پێناو بەرواری جوان بەهەموو شێوەیەک قەدەغەیە، بۆ ئەم مەبەستە لیژنەکانمان چاودێری و بەداواداچوون بۆ هەموو نەخۆشخانە و سەنتەرە حکومی و تایبەتەکان دەکەن و هەر کەسێک سەرپێچی بکات سزا دەدرێت.