وەزیری تەندروستی: تیمە تەندروستییەکان لە سەرجەم ناوچەکان لە ئیشکگری دەبن

ئاڤا نیوز

وەزارەتی تەندروستی بۆ شەوی سەری ساڵی نوێی 2026 لە هەرێمی کوردستان، نەخۆشخانە و دامودەزگا تەندروستیەکان ڕاسپاردووە کە دەوامی ئێشکگری بکەن.

چیرۆکی سەرەکی: هاووڵاتیانی هەرێمی کوردستان بۆ ماڵئاوایی لە ساڵی 2025 و پێشوازی لە ساڵی 2026 دێنە دەرەوە و لە شوێنە گەشتیارییەکان و بۆنەکاندا بەشداری دەکەن، بەشێکی زۆری دامەزراوەکانی حکومەتیش بۆ ئاسانکاری لە ئیشکگریدا دەبن.

لێدوانی فەرمی: د. سامان بەرزنجی، وەزیری تەندروستی هەرێمی کوردستان؛ بە ئاڤای گوت، "جگە لەوەی نەخۆشخانە و دامودەزگا تەندروستییەکان دەوامی ئیشکگرییان دەبێت و بەشێوەی بەردەوام کراوە دەبن، لە بازاڕ و شوێنە گشتییەکان تیمی تەندروستی ئێشکگر دادەنرێت، بۆ هەر حاڵەتێکی نەخوازراو."

زانیاریی زیاتر: نەخۆشخانەکانی فریاکەوتن و نۆرینگە دەرەکییەکان، سەنتەرەکانی پێدانی چارەسەری کیمیاوی بۆ نەخۆشانی شێرپەنجە، بانکی خوێن و خزمەتگوزاری دابینکردنی خوێن، سەنتەرەکانی شوشتنی گورچیلە بەشێوەی ئێشکگری کراوە دەبن.

ئەمەش بزانە: تیمەکانی فریاگوزاری و هێڵی (122) بەردەوام دەبن لە ئەرك و کارەکانیان بەشێوەی 24 کاتژمێری وە هۆبەی پزیشکی فریاکەوتن خشتەی دابینکردنی تیمەکانی دادەنێت بۆ شوێنەکانی پێویست و گەشتیاری.