لە دوو مانگدا 41 کوڕ لە ڕێوڕەسمی سوننەتکردندا لە ئەفریقای باشوور گیانیان لەدەستداوە

ئاڤا نیوز 

 

لە ئەفریقای باشوور، 41 کوڕ لە کاتی بەشداریکردنیان لە ڕێوڕەسمێکی نەریتی سوننەتکردندا لە مانگەکانی تشرینی دووەم و کانوونی یەکەمدا گیانیان لەدەستدا، وەزیری کاروباریی دابونەریتی ئەو وڵاتەش دەڵێت بەهۆی کەمتەرخەمییەوە بووە.

 

چیرۆکی سەرەکی: لە ئەفریقای باشوور، ڕێوڕەسمی سوننەتکردن وەک "پێنانە ناو قۆناغی پیاوەتی" سەیر دەکرێت کوڕە گەنجەکان دەنێررێنە "قوتابخانەی پێگەیشتن" و لەوێ فێری بەها و بەرپرسیارێتییەکانی ژیان دەبن.

 

لێدوانی فەرمی:  ڤێلێنکۆسینی هلابیسا، وەزیری کاروباریی دابونەریتەوە دەڵێت، لە ڕێوڕەسمەکانی وەرزی زستانەی ئەمساڵدا، 41 گەنج گیانیان لەدەستداوە، هۆکارەکەش بۆ کەمتەرخەمیی قوتابخانەکان و خودی دایک و باوکان دەگەڕێنێتەوە  و دەشڵێت، یەکێک لە ڕێنوێنییە هەڵەکان ئەوەیە بە گەنجەکان دەوترێت ئاو نەخۆنەوە بۆ ئەوەی زووتر چاک ببنەوە.

 

بۆچی گرنگە: سەرەڕای یاساکانی حکومەت، هێشتا ئەم قوتابخانانە بەردەوامن لە کارکردن و ساڵانە دەبنە هۆی گیانلەدەستدانی دەیان منداڵ، مەترسییەکانی ئەو "قوتابخانە نایاساییانە"ی ۆ ڕێوڕەسمی سوننەتکردن کراونەتەوە هۆکاریی گیان لە دەستدانی منداڵانی ئەفریقای باشوورن.

 

زانیاریی زیاتر: ڕێوڕەسمی سوننەتکردن لە ئەفریقای باشوور ساڵانە لە دوو قۆناغدا ئەنجام دەدرێت هاوکاتە لەگەڵ پشووەکانی خوێندن، لە وەرزی هاوینەیەدا لە مانگەکانی حوزەیران و تەمووز و لە وەرزی زستانەشدا لە تشرینی دووەم و کانوونی یەکەمدا ڕێوڕەسمی سوننەتکردن ئەنجام دەدرێت. زۆرترین حاڵەتی گیانلەدەستدان لە هەرێمی کەیپی ڕۆژهەڵات بووە، تا ئێستا 21 گەنج گیانیان لەدەستداوە. 

 

ئەمەش بزانە: بەپێی یاسا، تەنها ئەو کوڕانەی تەمەنیان لە سەرووی 16 ساڵە لەو ڕێوڕەسمانەدا سوننەت دەکرێن.