دوو هەوڵی تیرۆرکردنی ئەحمەد شەرع پووچەڵ دەکرێنەوە

ئاڤا نیوز

 

ئاژانسی هەواڵی (ڕۆیتەرز) ئاشکرای دەکات، ئەحمەد شەرع، سەرۆککۆماری سووریا لە چەند مانگی ڕابردوودا دوو جار لەلایەن ڕێکخراوی داعش هەوڵی تیرۆرکردنی دراوە بەڵام هەردوو هەوڵەکان پووچەڵکراونەتەوە.

 

زانیاریی زیاتر؛ ئەو دوو سەرچاوەیە کە یەکێکیان بەرپرسێکی ڕۆژهەڵاتی ناوەڕاست و ئەوی دیکەشیان بەرپرسێکی ئەمنی سووریان و قسەیان بۆ ڕۆیتەرز کردووە، دەڵێن، لە چەند مانگی ڕابردوودا ئەو دوو هەوڵەی هەبوو بۆ تیرۆرکردنی شەرع پووچەڵ کرانەوەتەوە.

 

لەلایەکی دیکە؛ ئاشکراکردنی ئەم زانیارییانە پێش کۆبوونەوەی نێوان شەرع و دۆناڵد ترەمپ، سەرۆکی ئەمریکا لە واشنتن دێت کە بڕیارە ئەمڕۆ دووشەممە بکرێت. لە دیارترین ئەو پرسانەی تاوتوێ دەکرێت بوونە ئەندامی سووریایە لە هاوپەیمانیی نێودەوڵەتیی دژ بە داعش.

 

بە تەنیشت ئەم بابەتەوە؛ لە سەروبەندی ئەم پێشهاتانە، وەزارەتی ناوخۆی سووریا ڕایگەیاند، 61 ئۆپەراسیۆنیان دژی شانەکانی داعش لە سووریا ئەنجامداوە و 71 کەسیان دەستگیر کردووە و دەستیان بەسەر کۆمەڵێک تەقەمەنی و چەکدا گرتووە.