وەزارەتی بازرگانیی عێراق ئاگادارییەک لەبارەی بەشەخۆراکی هاووڵاتیان بڵاودەکاتەوە

ئاڤا نیوز

 

وەزارەتی بازرگانیی عێراق ئاگادارییەکی گرنگ ئاراستەی هاووڵاتیان دەکات و تێیدا جەخت دەکاتەوە کە نابێت بۆ وەرگرتنی بەشەخۆراکی مانگانە، هیچ بڕە پارەیەک زیاتر لە یەک هەزار دینار بۆ هەر کەسێک بدرێت.

ڕاگەیێنراوی فەرمی: وەزارەتی بازرگانیی ئاگادارییەک لەبارەی بەشەخۆراکی هاووڵاتیان بڵاودەکاتەوە و ئاماژەی بەوە کردووە: "ئەم بڕە پارەیە بڕێکی جێگیرە و تێچووی سەبەتەی خۆراک، ئارد و کرێی گواستنەوەش دەگرێتەوە، بەهیچ شێوەیەک ڕێگەپێدراو نییە بریکارەکان داوای پارەی زیادە لە هاووڵاتیان بکەن."

زانیاریی زیاتر: سەبارەت بە بڕی ئارد، وەزارەتی بازرگانی جەختی کردووەتەوە کە هیچ کەمکردنەوەیەک لە پشکی هاووڵاتیاندا نەکراوە و بڕی نۆ کیلۆگرام ئارد بۆ هەر کەسێک بەتەواوی دابەش دەکرێت.

پێکهاتەکانی سەبەتەی خۆراک:


•    شەکر
•    ڕۆنی چێشت
•    برنج
•    دۆشاوی تەماتە
•    پاقڵەمەنییەکان
•    ئارد نۆ کیلۆگرام بۆ هەر کەسێک


ئەمەش بزانە: وەزارەتی بازرگانیی، داوا لە هاووڵاتیان دەکات لە کاتی هەر سەرپێچییەکدا پارەی زیادە نەدەن و دەستبەجێ لە ڕێگەی ئەم ژمارە تەلەفۆنانەی لە پەیجی وەزارەت دانراوە سکاڵا تۆمار بکەن، چونکە ڕێکاری یاسایی توند بەرامبەر سەرپێچیکاران دەگیرێتەبەر.