كاروانێكی دیكەی هاوكارییەكانی دەزگای خێرخوازیی بارزانی دەگەیێنرێتە ڕۆژئاوا

ئاڤا نیوز

یەکەم کاروانی هاوکارییەکانی دەزگای خێرخوازیی بارزانی گەیشتە ڕۆژئاوای کوردستان، سەرجەم پێداویستی و هاوکارییە مرۆییەکان بەسەر ئەو خێزانانە دابەش دەکرێت، کە ئاوارەی قامیشلۆ بوون.

وێنە گەورەکە: بەهۆی هێرشی گرووپە چەکدارەکانی سوپای عەرەبی سووریا بۆ ڕۆژئاوای کوردستان، سەدان خێزان ماڵ و حاڵی خۆیان جێهێشتووە و ئاوارەی قامیشلۆ و دەورووبەری بوون، ئێستا لە مزگەوت، قوتابخانە و شوێنە گشتییەکان دەمێننەوە و لە ڕەوشێکی مرۆیی خراپدان.

لێدوانی فەرمی: ڕەواج حاجی، ئەندامی دەستەی کارگێڕی دەزگای خێرخوازیی بارزانی بە ئاڤای گوت، "هاوکاری مرۆیی بەسەر خێزانە ئاوارەکان دابەش دەکرێت، سەرجەم پێداویستییەکان لەخۆ دەگرێت لە پێداویستی منداڵانەوە تاوەکو نەوت و سۆپا، ڕۆژانەش خۆراکی گەرمیان بۆ ئامادە دەکرێت."

زانیاریی زیاتر: دەزگای خێرخوازی بارزانی، ڕۆژانە دەیان کاروانی هاوکاری دەگەیێنێت بە دێرک، عامودا، حەسەکە و هەموو ئەو شوێنانەی ئاوارەی ڕۆژئاوای تێدان، سبەی هەینی کاروانێکی دیکەی هاوکاری دەگاتە ڕۆژئاوای کوردستان، کە سێ هەزار خێوەت لەخۆدەگرێت بۆ ئەو خانەوادانەیە کە هیچ شوێنێکیان نییە تێیدا بمێننەوە.