سەرۆکی ڤەنزوێلا ئامادەیە لەگەڵ ترەمپ گفتوگۆ بکات

ئاڤا نیوز

دوای ئەوەی سەرۆکی ئەمریکا ئاشكرای کرد کە بیر لە دانوستان لەگەڵ نیکۆلاس مادۆرۆ، سەرۆکی ڤەنزوێلا دەکاتەوە، لە بەرامبەردا سەرۆکی ڤەنزوێلا ئامادەیی خۆی بۆ گفتوگۆکردن دەربڕی.

چی ڕوودەدات: بەپێی بڕیاری ترەمپ، هەر بەلەمێک ماددە هۆشبەرەکان بۆ ئەمریکا بگوازێتەوە لە دەریای کاریبی دەکرێتە ئامانج، لە ژێر ڕۆشنایی ئەمەشدا ترەمپ فشارەکانی بۆ سەر سەرۆکی ڤەنزوێلا، زیاد کردووە و تۆمەتباری دەکات بە هاوکاریکردنی ئاشکرای بازرگانانی ماددە هۆشبەرەکان، لە چوارچێوەی ئەمەدا ئەمریکا پێشکەوتووترین کەشتی فڕۆکە هەڵگری وڵاتەکەی گەیاندووەتە دەریای کاریبی.

لێدوانی فەرمی: نیکۆلاس مادۆرۆ، سەرۆکی ڤەنزوێلا ڕایگەیاند، لە ئەمریکا هەر کەسێک بیەوێت ڕووبەڕوو قسە لەگەڵ ڤەنزوێلا بکات ئامادەین قسەیان لەگەڵ دەکەین، بەبێ هیچ کێشەیەک، جەخت لەوەش دەکاتەوە، بەڵێ بۆ ئاشتی! نا بۆ شەڕ!.. بۆیە هەرکەسێک گفتوگۆی بوێت هەمیشە ئێمە دەدۆزێتەوە.