پارێزگای هەولێر لەبارەی ڕاگەیاندنی پشووی فەرمی بڕیاریدا

ئاڤا نیوز

پارێزگاری هەولێر لە ڕێگەی ڕوونکردنەوەیەکەوە کۆتایی بە سەرجەم ئەو دەنگۆیانە هێنا کە باسیان لە ڕاگەیاندنی پشوو دەکرد و ڕایگەیاند: هیچ  هۆکارێک نییە بۆ ڕاگەیاندنی پشووی فەرمی. 

چیرۆکی سەرەکی: ماوەی دوو ڕۆژە شەپۆلێکی بارانبارین ڕووی لە هەرێمی کوردستان کرد، هەر لەوبارەیەوە هۆشداریی دەدرێت لە دروستبوونی ئەگەری لافاو.

ڕاگەیێنراوی فەرمی: ئومێد خۆشناو، پارێزگاری هەولێر ڕایگەیاند: دوای هەڵسەنگاندنمان بۆ دۆخەکە، هیچ  هۆکارێک نییە بۆ ڕاگەیاندنی پشووی فەرمی. 

- بە هۆی ئەوەی هاتووچۆی هاووڵاتییان ئاساییە، سبەی لەسەرجەم دامودەزگاکانی حکومەت دەوام بەردەوام دەبێت و نابێتە پشوو. 

پەیوەست بەم بابەتەوە: تەنها ئیدارەی گەرمیان پشووی فەرمی بە هۆی بەردەوام بارانبارینەوە ڕاگەیاندووە.