ئاڤای خەڵک؛ هاونیشتمانییان گله‌ییان له‌ فه‌رمانگه‌ى ده‌سته‌به‌ری كۆمه‌ڵایه‌تیی هه‌ولێر هه‌یه

ئاڤا نیوز

چەند هاونیشتمانییەک داوایان لە ئاڤا کردووە بەدواداچوون بۆ گرفتی قەرەباڵغی دائیرەی زەمان لە هەولێر بکەین، بە هۆی ئەوەی زۆر جار لە بەیانییەوە بچینە نۆرە دەگرن تاوەکو نیوەڕۆ کارەکانیان بۆ تەواو بکرێت. 

بەدواداچوونی ئاڤا: بە هۆی ئەوەی ئەو فەرمانگەی هەولێر زۆرترین کاروباری هاووڵاتییانی تێدا بەڕێ دەکرێت ئەمەش وایکردووە گلەی ئەوە بکرێت کە کارەکانیان لە کاتی خۆیدا ڕایی ناکرێت، لەوبارەیەوە تەمەن شوان سابیر، بەڕێوەبەری دائیرەی زەمان کردووە، دەڵێ، ئەو هاونیشتمانیانە حەقی خۆیانە گلەیی بکەن، بەڵام تواناکانی ئێمەش زۆر سنووردارە، دائیرەکەمان بچووکە و هی ساڵی حەفتاکانە،  80 کارمەندمان هەیە، بەڵام 26 هەزار پڕۆژەمان لایە.

-  واتا ئەگەر لە مانگێکدا  22 ڕۆژ بەبێ پشوو مامەڵە ڕایی بکەین، ڕۆژانە دەبێ هەزار و 250 کەس بەڕێ بکەین، ئەمە جگە لەوەی ڕۆژانە دەبێ مامەڵەی نزیکەی  550  پارێزەری کۆمپانیاکانیش ڕایی بکەین.

- تەنیا لە دوو ڕۆژی سەرەتای ئەم مانگە هەزار و 694 نووسراومان کردووە. ئەگەر ئەو کارمەندانە هیچ هیچ نەوەستن ئینجا پێڕا دەگەن مامەڵەی هاونیشتمانیان جێبەجێ بکەن.

- فەرمانگەکە بکرێ بە داتا بەیس کێشەکانی چارەسەر دەبێت.

لێدوانی فەرمی: کوێستان خان، وەزیری کاروکاروباری کۆمەڵایەتی بە ئاڤای ڕاگەیاند: ئەم بابەتە کاتی دەوێ، بەڵام تیمەکان سەرقاڵن، هەر کات سیستمەکەی کرا بە دیجیتاڵی هەموو کێشەکانی چارەسەر دەبێ و لە ئاییندە ئەوە نامێنێت.