عەلی شەمخانی کرایە سکرتێری ئەنجوومەنی بەرگریی ئێران

ئاڤا نیوز

مەسعود پزشکیان، سەرۆککۆماری ئێران، عەلی شەمخانی وەک سکرتێری "ئەنجوومەنی بەرگری" دەستنیشان کرد بۆ ڕێکخستنەوەی پێگە ئەمنییەکانی وڵات.

زانیاریی زیاتر: ئەرکە سەرەکییەکانی ئەم ئەنجوومەنە بریتین لە بەهێزکردنی ئامادەکارییە بەرگرییەکانی وڵات، ڕووبەڕووبوونەوەی هەڕەشە نوێیەکان و گۆڕانکارییە ئەمنییەکان، هەروەها دروستکردنی هەماهەنگی لە بڕیارە ستراتیژییەکانی بواری بەرگریدا.

ئەوەی پێویستە بیزانیت: ئەم ئەنجوومەنە لە بنەڕەتدا وەک دامەزراوەیەکی پسپۆڕ لە ژێر سایەی "ئەنجومەنی باڵای ئاسایشی نیشتمانی"دا کار دەکات و مێژووەکەی بۆ دوای شەڕی 12 ڕۆژە دەگەڕێتەوە، کە وەک پێویستییەک بۆ خێراکردنی بڕیارە سەربازییەکان دامەزراوە.