بەرهەمهێنانی کارەبا لە عێراق نیوەی پێداویستییەکان پڕ دەکاتەوە

ئاڤا نیوز

ڕوانگەی ئابووریی "ئیکۆ عێراق" ڕایدەگەیێنێت، تێچووی بەرهەمهێنانی کارەبا لە عێراق گەیشتووەتە 5.6 تریلیۆن دینار، لە کاتێکدا بەشداریی وزەی نوێبووەوە تەنیا نزیکەی 2%ی کۆی بەرهەمهێنانی ئێستا پێکدەهێنێت.

 

وێنە گەورەكە: سەرەڕای تەرخانکردنی بڕێکی یەکجار زۆری پارە، قەیرانی نەبوونی كارەبا یەكێكە لە كێشە گەورەكان كە لە دوای پرۆسەی ئازادكردنی عێراقەوە بەرۆكی عێراقییەكانی گرتووە و تائێستاش چارەسەر نەكراوە. 

 

ئەوەی ئێستا ڕوودەدات: ڕوانگەکە ڕوونی دەکاتەوە، "تێچووی بەرهەمهێنانی کارەبا تا مانگی ئەیلوولی 2025 گەیشتووەتە 5 تریلیۆن و 6 ملیار دینار،" ئاماژە بەوەش دەدات "لووتکەی بەرهەمهێنانی ئێستا گەیشتووەتە 28 هەزار مێگاوات، لە کاتێکدا دابینکردنی تەواوی پێداویستییەکان نزیکەی 50 هەزار مێگاواتی دەوێت."

 

ئەوەی پێویستە بیزانیت: هەر بەگوێرەی ڕوانگەکە، "بەشداریی وزەی نوێبووەوە، لەوانەش وزەی ئاویی و خۆری، تەنیا 2%ی کۆی بەرهەمهێنان پێکدەهێنێت."