ئاڤای خەڵک؛ له‌ دهۆک  مه‌ترسیی چوڵبوونی 10 گوند هه‌یه

ئاڤا نیوز

له‌ دهۆك مه‌ترسیی چۆڵبوونی 10 گوند هه‌یه‌ بەهۆی کێشەی کەمئاوی، بەڕێوەبەری ئاوی دەوروبەری دهۆکیش لەڕێگەی ئاڤا میدیا بەڵێنی چارەسەرکردنی کیشەکەیان پێ دەدات.

چیرۆکی سەرەکی: گوندەکان بەشێکیان لە ناحیەی زاویتەن دەکەونە پشت بەنداوی دهۆک، بەشێکی تر لە سنووری قەزای ئامێدین.  کێشەی ئەم گوندانە تەنها نەبوونی ئاوی خواردنەوەیە، داوا دەکەن بیری ئاویان بۆ لێبدرێت، جگە لە کێشەی ئاو هیچ کێشەیەکی دیکەیان نییە وەکو ڕێگاوبان و کارەبا و ..هیتد.

داواکاریی خەڵک: ئەیوب برجینی دانیشتووی یەکێک لە گوندەکانە، قسەی بۆ ئاڤا میدیا کردووە و دەڵێت: پێشتر گوندەکەمان 200  ماڵ بوو، بەڵام بەهۆی کەمئاوی ئێستا تەنها 10 ماڵ لە گوندەکەدا ماون و 190 ماڵ باریان کردووە، ئەگەر کێشەی ئاویان بۆ چارەسەر نەکرێت، ئەو 10 ماڵەش ناچارین ماڵمان بار بکەین.

چارەسەر: ڕۆژهات لوقمان، پەیامنێری ئاڤا میدیا کێشەکەی بە خه‌ڵات ئه‌بابه‌كر، به‌ڕێوه‌به‌ری ئاوی ده‌وروبه‌ری دهۆك گەیاندووە. ناوبراو دەڵێت: بیری ئیرتیوازییان بۆ لێدەدەین، لەمڕۆوە دەست دەکەین بە ئامادەرکردنی دەرخستە و ئه‌م كێشه‌یه‌ به‌ یه‌كجاری چاره‌سه‌ر ده‌كه‌ین.